செய்தியாளராக தொடர்பு கொள்ளவும் NEWS@TAMILSUNITY.COM
புதிய தலைப்புக்கள்

குடித்து விட்டு கூத்தடித்த பெண்ணால் பரபரப்பு….

Written By PROUDLY ADMIN on Monday, August 3, 2015 | 8/03/2015


தஞ்சை அருகே இளம்பெண் ஒருவர் குடிபோதையில் நடுரோட்டில் ரகளையில் ஈடுபட்டுள்ளது பெரும் பரபரப்பை ஏற்படுத்தி உள்ளது.

திருவண்ணாமலை மாவட்டத்தில் சிறுவன் ஒருவனுக்கு அவனது தாய் மாமனே மது ஊற்றி கொடுத்து குடிக்க வைத்த வீடியோ வாட்ஸ் அப்பில் வெளியாகி பரபரப்பை ஏற்படுத்தியது. இது போன்ற மேலும் ஒரு சிறுவன் மது குடிக்கும் காட்சியும் வெளியானது.

கடந்த சில நாட்களுக்கு முன்பு கோவையில் உள்ள தனியார் பள்ளியில் படிக்கும் மாணவி ஒருவர் காதல் தோல்வியில் குடிபோதையில் ரகளையில் ஈடுபட்டுள்ளார். அதன் பரபரப்பு அடங்கு முன்பு தஞ்சையில் இளம்பெண் ஒருவர் குடிபோதையில் ரகளையில் ஈடுபட்டது பெரும் பரபரப்பை ஏற்படுத்தி உள்ளது.

தஞ்சை விளார் பைபாஸ் சாலையில் 25 வயது மதிக்கதக்க இளம் பெண் இன்று காலை குடிபோதையில் சுற்றி வந்தார்.

அவர் அந்த வழியாக சென்ற வாகனங்களை நிறுத்தி ரகளையில் ஈடுபட்டார் தான் என்ன செய்கிறோம் என்று தெரியாமல் சாலையில் சென்றவர்களை மேலும் தாறுமாறான வார்த்தைகளால் உளறினார். இதனால் அந்த வழியாக சென்றவர்கள் அதிர்ச்சி அடைந்தனர். சாலையில் சென்ற பெண்கள் முகம் சுளித்தபடி சென்றனர்.

இது குறித்து தஞ்சை தாலுகா போலீசாருக்கு தகவல் தெரிவிக்கப்பட்டது. இன்ஸ்பெக்டர் சோமசுந்தரம், அனைத்து மகளிர் போலீஸ் நிலைய இன்ஸ்பெக்டர் அன்புராணி மற்றும் போலீசார் அங்கு விரைந்து சென்றனர்.

போதையில் ஈடுபட்ட பெண்ணை மடக்கி பிடித்து வேனில் போலீஸ் நிலையத்திற்கு அழைத்து சென்றனர்.

அங்கு விசாரணை நடத்தினர். அப்போது அவர் உளறியபடி சரியாக தகவல்களை கூறவில்லை. அவர் மீது குடம், குடமாக தண்ணீரை எடுத்து வந்து ஊற்றினார்கள்.

அதன் பின்னர் சற்று போதை தெளிந்தது. அவரிடம் விசாரித்த போது அவரது பெயர் உஷாதேவி, தஞ்சை மாவட்டம் ஒரத்தநாடு அருகே உள்ள ஆழிவாய்க்கால் தெற்கு கிராமத்தை சேர்ந்தவர் என்பது தெரிய வந்தது.

அவர் பி.ஏ. (பொருளாதாரம்) படித்தவர் ஆவார். தஞ்சை குந்தவை நாச்சியார் கல்லூரியில் கடந்த 2013–ம் வருடம் படிப்பை முடித்துள்ளார். இவருக்கு இன்னும் திருமணம் ஆகவில்லை.

உஷாதேவி நடன கலைஞர் ஆவார். கிராமங்களில் நடைபெறும் திருவிழாக்களில் நடன நிகழ்ச்சிகளில் கலந்து நடனமாடி வந்துள்ளார். நேற்று இரவு இவர் நடன நிகழ்ச்சிக்கு சென்ற போது யாரோ மது வாங்கி கொடுத்துள்ளனர்.

அதன் போதை தெளியாததால் இன்று காலையில் ரகளை செய்தது தெரிய வந்தது. இந்த சம்பவம் தஞ்சையில் பரபரப்பை ஏற்படுத்தியது.

தமிழகத்தில் பூரண மதுவிலக்கை அமல்படுத்தக் கோரி அரசியல் தலைவர்கள் கோரிக்கை விடுத்து வரும் நிலையில் இளம்பெண் போதையில் ஆட்டம் போட்டது பெரும் பரபரப்பை ஏற்படுத்தி உள்ளது.

தனது மனக்குமுறலை வெளிப்படுத்திய ” வடக்கு முதல்வர் சி.வீ.விக்னேஸ்வரன்”


தனது மனக்குமுறலை வெளிப்படுத்திய “முதல்லமச்சர் .சி.வீ.விக்னோஸ்வரன்”

ரவி கருணாநாயக்கவை சுட்ட கார் கண்டுபிடிப்பு


நிதியமைச்சரும் கொழும்பு மாவட்ட ஐ. தே. க. வேட்பாளருமான ரவி கருணாநாயக்கவை இலக்கு வைத்து கொழும்பு புளூமெண்டால் வீதியில் நடத்தப்பட்ட துப்பாக்கி சூட்டு சம்பவத்திற்கு பயன்படுத்தப்பட்ட கார் அடையாளம் காணப்பட்டுள்ளது.

கடந்த வெள்ளிக்கிழமை மு. ப. 11.30 அளவில் நடந்த இந்தச் சம்பவத்திற்கு இரு சொகுசு கார்கள் பயன்படுத்தப் பட்டுள்ளதாகத் தெரிய வந்துள்ளது. இதில் ஒரு காரே அடையாளம் காணப்பட்டுள்ளது.

துப்பாக்கிதாரிகளால் பயன்படுத்தப்பட்ட தாக நம்பப்படும் இந்தக் கார் தலங்கம பிரதேசத்தைச்சேர்ந்த ஒருவருடையதென இரகசியப் பொலிஸாருக்கு தகவல் கிடைத்துள்ளது.

துப்பாக்கிச் சூட்டுச் சம்பவத்தில் இருவர் கொல்லப்பட்டதோடு 13 பேர் காயமடைந்தனர்.

சம்பவம் இடம்பெற்ற தினத்தன்று இரவு புளுமெண்டால் தொடர் மாடிக் குடியிருப்புக்கருகிலிருந்து ரி 56 ரக தோட்டாக்கள் மற்றும் ரிவோல்வர் ஒன்றுடன் கார் ஒன்று மீட்கப்பட்டுள்ளது. இந்த காரை அடிப்படையாகக் கொண்டு அதன் உரிமையாளர் தலங்கம பிரதேசத்தைச் சேர்ந்தவரென கண்டுபிடிக்கப் பட்டுள்ளது. இரகசிய பொலிஸார் குறித்த நபரின் வீட்டைத் தேடிச் சென்றபோது அங்கே அவர் இருக்கவில்லை. அவர் தனது குடும்பதாருடன் சுற்றுலா சென்றிருப்பதாகத் தெரிய வந்துள்ளது. அதனைத் தொடர்ந்து குறித்த நபரை, உடனடியாக இரகசியப் பொலிஸ் நிலையத்திற்கு நேரடியாக வருகை தருமாறு தகவல் வழங்கப்பட்டுள்ளதனால் அவர் நாளை இரகசிய பொலிஸ் நிலையத்திற்கு வருகை தருவதற்கான சாத்தியம் காணப்படுகிறது.

இந்த வாகனத்தின் உரிமையாளர் தனது வாகனத்தை குறித்த நிறுவன மொன்றுக்கு வாடகைக்கு வழங்கியுள்ளார். அங்கிருந்தே சந்தேக நபர்கள் மேற்படி வாகனத்தை வாடகைக்கு பெற்றிருக்க வேண்டுமெனவும் ஆரம்ப விசாரணைக ளடிப்படையில் தெரிய வருகிறது.

இருந்தபோதும் இந்த துப்பாக்கிச் சூட்டை நடத்துவதற்கு மிகவும் சூட்சுமமான முறையில் திட்டமிடப்பட்டு யாரோ ஒரு தரப்பினரால் ஒப்பந்த அடிப்படையில் கொலை செய்பவர் களிடம் கையளிக்கப்பட்டிருப்பதாக இரகசியப் பொலிஸார் தெரிவித்தனர்.

சம்பவ தினத்தன்று துப்பாக்கி தாரிகள் பயணம் செய்த கார் கறுப்பு நிறமானதென சாட்சியங்கள் கூறுகின்றன. எனினும் தோட்டாக்கள் மற்றும் ரிவோல்வருடன் கண்டுபிடிக்கப்பட்ட கார் ஹைபிரிட் ரகத்தைச் சார்ந்த கடும் பச்சை நிறமானதென்றும் இரக சியப் பொலிஸார் கூறினர்.

துப்பாக்கிச் சூட்டு சம்பவத்தை நேரில் கண்ட சாட்சிகளாக பலர் உள்ளனர். இவர்கள் அனைவரிடமும் வாக்குமூலங்கள் பெறப்படும் அதேநேரம் சந்தேக நபர்கள் தொடர்பிலான உருவப்படங்களை வரைவதற்கும் இரகசிய பொலிசார் முயற்சிக்கின்றனர்.

இருந்த போதும், வாகன உரி மையாளரின் வாக்கு மூலத்திலிருந்து பல பிரச்சினைகளுக்கான தீர்வு கிடைக்குமென எதிர்பார்க்கப்படு கின்றது.

பொலிஸ் மா அதிபர் என். கே. இளங்ககோனின் பணிப்புரைக்கமைய இது தொடர்பிலான விசாரணைகளை துரித கதியில் முன்னெடுப்பதற்கான முயற்சிகளை இரகசியப் பொலிசார் மேற்கொண்டு வருகின்றனர்.

கருணா குழு உறுப்பினர் கைது!

மட்டக்களப்பு வெல்லாவெளி பொலிஸ் பிரிவுக்குட்பட்ட 35ஆம்கொலணிப்பகுதியில் வீடு ஒன்றை தீயி;ட்டு கொழுத்தியமை தொடர்பில் சந்தேகத்தின் பேரில் தேடப்பட்டுவந்த நபர் கைதுசெய்யப்பட்டுள்ளார்.

கடந்த 29ஆம் திகதி இரவு 35ஆம்கொலணிப்பகுதியில் உள்ள வீடு ஒன்று இனந்தெரியாதவர்களினால் தீயிடப்பட்டதுடன் அதனால் வீட்டில் பலத்த சேதம் ஏற்பட்டது.
இது தொடர்பில் வெல்லாவெளி பொலிஸாருக்கு கிடைக்கப்பெற்ற முறைப்பாட்டின் அடிப்படையில் பொலிஸார் விசாரணைகளை மேற்கொண்டுவந்தனர்.

இதன்போது மேற்கொள்ளப்பட்டுவந்த விசாரணையின் அடிப்படையில் இளைஞர் ஒருவர் நேற்று சனிக்கிழமை மாலை கைதுசெய்யப்பட்டதாகவும் தொடர்ந்து விசாரணை மேற்கொள்ளப்பட்டுவருவதாகவும் அவர் கருணா குழுவை சேர்ந்தவரெனவும் கூறப்படுகின்றது.

கொடூர விஷத்தன்மை கொண்ட மரபணு மஞ்சள் வாழைப்பழங்கள்

Written By PROUDLY ADMIN on Sunday, August 2, 2015 | 8/02/2015

தயவு செய்து பகிரவும் நண்பர்களே... முன்பெல்லாம் டாக்டர்கள் தினமும் ஓரு வாழைப்பழமாவது சாப்பிடுங்கள், உடம்புக்கு ரொம்ப நல்லது என்பார்கள். ஆனால் தற்போது மரபணு மாற்று பெரிய மஞ்சள் வாழைபழத்தை சாப்பிடவே வேண்டாம் என்று எச்சரிக்கிறார்கள். காரணம் தற்போது சென்னை வாசிகள் பெரும்பாலோர் உடலில்-தொண்டையில் அலர்ஜி, சைனஸ், தும்மல், வயிற்றுக்கோளாறு, வயிற்றுவலி, சிறுநீரக கற்கள், அடிக்கடி தலைவலி, புட் பாய்சன்... என்று கடுமையாக அவதிப்படுகிறார்கள்.

இவர்களை நோயாளிகளாக மாற்றியது இந்த மரபணு மாற்று மஞ்சள் வாழைப்பழங்கள் தான். இயற்கையான வாழைப்பழம் பழுத்தால் இரண்டொரு நாளில் அழுகிவிடும். இயற்கையான மஞ்சள், பச்சை வாடன், ரஸ்தாளி, மலைபழம், தேன்கதளி, நாட்டுப்பழம், நாட்டுச்சக்கைப்பழம், கற்பூரவள்ளி, ஏலக்கி ஆகிய வாழைப்பழங்கள் மணமாகவும், நல்ல ருசியாகவும் இருக்கும். இந்த பழங்கள் உடம்புக்கு சத்தாகவும், மற்ற உணவை செரிமானமாக்கவும் பயன்படும். மலச்சிக்கலால் பாதிக்கப்படுவோரும் தினமும் இரவில் வாழைப்பழம் சாப்பிடுவார்கள். பொதுவாக இயற்கையான வாழை ரகங்களில் நோய் தொற்று ஏற்படும்.

இவற்றை பூச்சுக் கொல்லிகளை பயன்படுத்தி நோயை கட்டுப்படுத்த வேண்டும். இந்த ரகங்களை பழுத்த உடன் நாம் சாப்பிடுவது வழக்கம். பூச்சிக் கொல்லிகளை அழிப்பதற்கு பதிலாக பூச்சிகளை கொல்லும் விஷச்சத்தை வாழைமரத்தின் மரபணுவில் செலுத்தி அமெரிக்க விஞ்ஞானிகள் வெற்றி கண்டுள்ளனர்.இதைத் தான் நாம் பி.டி.வாழை என்று அழைக்கிறோம். கேவின் டிஷ் என்ற பெயருடன் இந்த மரபணு மாற்று வாழைப்பழம் நம்மூரில் கள்ளத்தனமாக விற்கப்படுகிறது. இப்பழங்களில் விஷத்தன்மை மிக அதிகமாக இருப்பதால் அமெரிக்காவில் இந்த வாழைப்பழம் பயிரிடவோ விற்கவோ அனுமதிக்கப்படவில்லை.

ஏழ்மையிலும் பசிபட்டினியிலும் வாடும் ஆப்பிரிக்க நாடு உகாண்டா. இங்குதான் முதன் முதலில் 2007 -ஆம் ஆண்டு அமெரிக்க அதிபர் ஜார்ஜ் புஷ் உகாண்டா அதிபரை மிரட்டி அந்நாட்டின் பாராளுமன்றத்தில் சட்டம் கொண்டு வர செய்து பி.டி. வாழை எனப்படும் கேவின் டிஷ் வாழைப்பழத்தை முதன் முதலில் பயிரிட செய்தார். நோய்களை பரப்பும்: உகாண்டாவில் பயிரிடுவதற்கு முன்பாகவே இந்தியாவில் சர்வதேச கம்பெனிகள் இந்திய நிறுவனங்களின் துணையுடன் கள்ளத்தனமாக இவ்வகை மரபணு மாற்று பி.டி. கேவின்டிஷ் வாழைப்பழத்தை பயிரிடவும் விற்பனை செய்யவும் ஆரம்பித்து விட்டனர்.

இந்த கேவின்டிஷ் மரபணு மாற்று மஞ்சள் வாழைப்பழம் பெங்களூர் வாழைப்பழம் என்ற பெயரில் சென்னை உள்பட தமிழகம் முழுவதும் விற்கப்படுகிறது. முதலில் சென்னையில் சென்ட்ரல், எழும்பூர் ரயில் நிலையத்தில் பெங்களூர் வாழைப்பழம் என்ற பெயரில் இந்த பி.டி. வாழைப்பழம் விற்கப்பட்டது. மக்களுக்கோ, வியாபாரிகளுக்கோ இதன் கொடூரத்தன்மை பற்றி எதுவும் தெரியாததால் சென்னை முழுவதும் இந்த வாழைப்பழ விற்பனை விரிவு படுத்தப்பட்டது.

மாதக்கணக்கில் வைத்திருந்து விற்றாலும் கெட்டுபோகாது என்ற ஆசை வார்த்தை கூறி வியாபாரிகள் இந்த மரபணுமாற்று கேவின்டிஷ் வாழைப்பழத்தை விற்கும் நிலைக்கு தள்ளப்பட்டார்கள். இதனால் சென்னையில் முக்கிய கம்பெனிகளின் சூப்பர் மார்க்கெட்டுகளில் வாழைப்பழம் மட்டுமே விற்கும் நிலை உள்ளது. மதுரை, சேலம், கோவை, நெல்லை போன்ற நகரங்களில் இந்த பி.டி. மரபணு மாற்று வாழைப்பழம் அறிமுகப்படுத்தப்பட்டாலும் இதற்கு போதிய வரவேற்பு இல்லை.

இந்த மரபணு மாற்று வாழைப்பழம் இயற்கை வாழைப்பழம் போல் ருசியாக இருக்காது. இதனால் மற்ற நகரங்களில் இதனை யாரும் வாங்கவில்லை. எனவே சென்னையில் அறிவிக்கப்படாத தடைபோல வேறு இயற்கையான வாழைப்பழமே விற்காத வண்ணம், சர்வதேச நிறுவனங்கள் கேவின்டிஷ் வாழைப்பழம் மட்டுமே விற்கும் வண்ணம் ரகசியமாக சதி செய்துவிட்டன.

இதற்கு கார்ப்பரேட் கம்பெனிகள் பெரிதும் உதவியாக உள்ளன. பி.டி. கத்தரிக்காய்க்கே இன்னும் இந்திய அரசு முழுமையான அனுமதி வழங்கவில்லை. பி.டி. ரக மரபணு காய்கறி, பழங்கள், உயிரை மெல்லமெல்ல கொல்லும் விஷமாகும். ஒரு முறை மட்டும் காய்த்து கனியாகும். செயற்கையாக மலட்டுத்தன்மை ஆக்கப்பட்ட மரபணு மாற்று காய்கறி பழங்களை தொடர்ந்து சாப்பிட்டால் மலட்டுத்தன்மை ஏற்படுவதோடு, கேன்சர், செரிமான கோளாறு, தோல்நோய், சிறுநீரக நோய்கள், அலர்ஜி போன்றவை உண்டாகும்.

இந்த நிலையில் இந்திய அரசிடமோ, விவசாயத்துறையிடமோ, பல்கலை கழகங்கள், ஆராய்ச்சி சாலைகளிலோ எந்தவித அனுமதியும் பெறாமல் கேவின்டிஷ் மஞ்சள் வாழைப்பழம் பெங்களூர் வாழைப்பழம் என்ற பெயரால் விற்பனை செய்யப்படுகிறது. எவ்வாறு உற்பத்தி செய்யப்படுகிறது? பெங்களூர் வாழைப்பழம் என்று விற்பனை செய்யப்படும் மரபணு மாற்று பி.டி. ரக மஞ்சள் வாழைப்பழம் காட்டு கொட்டை வாழையில், மீன் சோளம், காட்டுமொச்சை இவற்றின் மரபணுவை புகுத்தி கண்டு பிடிக்கப்பட்டதாகும்.

இயற்கையான வாழை ரகங்கள் வாழையடி வாழையாக வாழை மரத்தின் கிழங்கிலிருந்து செடி வளரும். அதனை பிரித்து நட்டாலே புதிய வாழையை பயிர் செய்ய முடியும். ஆனால் பி.டி. ரக கேவின்டிஷ் வாழை ஒரு முறை மட்டுமே காய்க்கும் வண்ணம் மரபணுவில் மாற்றம் செய்யப்பட்டு செயற்கையாக மலடாக்கப்பட்டதாகும். எனவே விவசாயிகள் தாமாகவே மறுதடவை பயிர் செய்ய முடியாது.

திசுவளர்ப்பு முறையில் செடி வாழை சர்வதேச கம்பெனிகளின் ஏஜெண்டுகளால் உற்பத்தி செய்யப்பட்டு விவசாயிகளுக்கு பயிரிட வழங்கப்படுகிறது. இவ்வகை பி.டி. ரக மரபணு மாற்று வாழையை தொடர்ந்து தோட்டத்தில் பயிர் செய்தால் அந்த நிலத்தில் உள்ள நன்மை செய்யும் புழு, பூச்சிகள், பாக்டீரியாக்கள் மொத்தமாக அழிக்கப்பட்டு அந்த நிலம் எந்த பயிரும் வைக்கமுடியாத வண்ணம் பாலைவனமாக மாறிவிடும்

பார்த்திருக்க முதலையால் இழுத்து செல்லபட்டவர்.


கதிர்காமம் மாணிக்க கங்கையில் நேற்று முதலையொன்றுக்கு இறையாகிய ஒருவரின் சடலத்தை இன்று காலை மீட்டுள்ளனர்.

கதிர்காமம் பிரதேசத்தில் ஐந்து சுழியோடிகள் மேற்கொண்ட தேடுதலின் பின்னர், இன்று காலை 7.00 மணிக்கு இந்த சடலம் கண்டுபிடிக்கப்பட்டுள்ளது.

24 வயதுடைய இளைஞர் ஒருவரே இவ்வாறு உயிரிழந்துள்ளார். இவர் கதிர்காமம் விகாரைக்கு வணக்க வழிபாட்டில் கலந்துகொள்வதற்காக சென்ற ஒருவர் எனவும் தெரிவிக்கப்படுவதுடன், இவருடன் நீராடிக்கொண்டிருந்தவர்கள் பார்த்துக்கொண்டு இருந்த வேளையிலே இந்த அசம்பாவிதம் நடந்துள்ளது என தெரிவிக்கப்படுகிறது.




யாழ் பெற்றோர்களுக்கு, நீதிபதி இளஞ்செழியன் எச்சரிக்கை.


யாழ் பல்கலைக்கழகத்தின் கௌரவம் மிகவும் முக்கியமானது. அது பாதுகாக்கப்பட வேண்டுமானால், பல்கலைக்கழக மாணவர்கள் நீதிமன்ற குற்றக் கூண்டில் நிற்கக் கூடாது என யாழ் மேல் நீதிமன்ற நீதிபதி இளஞ்செழியன் எச்சரிக்கை செய்துள்ளார்.

இது தொடர்பில் பெற்றோர்களும் கூடிய கவனம் செலுத்த வேண்டும் என்றும் அவர் அறிவுறுத்தியுள்ளார்.

அபாயகரமான ஆயுதங்கள் சட்டத்தின் கீழ் பெட்றோல் குண்டு, வாள், பொல்லு மற்றும் ஆயுதங்களுடன் யாழ் பல்கலைக்கழகத்தின் 2 மாணவர்கள் உட்பட 10 இளைஞர்களை சுன்னாகம் பொலிசார் கைது செய்திருந்தனர்.

மல்லாகம் நீதிமன்றம் இவர்களை விளக்கமறியலில் வைத்து விசாரணைகளை நடத்துமாறு பொலிசாருக்கு உத்தரவிட்டிருந்தது.

இந்த இளஞைர்களை பிணையில் விடுமாறு முன்வைக்கப்பட்ட விண்ணப்பத்தை மல்லாகம் நீதவான் நிராகரித்திருந்தார்.

இதனையடுத்து, கைது செய்யப்பட்டிருந்த 2 பல்கலைக்கழக மாணவர்களின் கல்வியையும் எதிர்காலத்தையும் கருத்திற்கொண்டு, இவர்களுக்கு பிணை வழங்க வேண்டும் என்று யாழ்ப்பாணம் மேல் நீதிமன்றத்தில் மேல் முறையீடு செய்யப்பட்டிருந்தது.

கடந்த 30 ஆம் திகதிக்கு ஒத்தி வைக்கப்பட்டிருந்த, வழக்குத் தவணையின்போது, இந்த, மேன் முறையீட்டு பிணை மனு மீதான விசாரணையை, முடிவுக்குக் கொண்டு வந்தபோதே நீதிபதி இளஞ்செழியன் இந்த எச்சரிக்கையையும், அறிவுறுத்தலையும் விடுத்துள்ளார்.

அபாயகரமான ஆயுதங்களுடன் கைது செய்யப்பட்டவர்களுக்கு பிணை வழங்க மறுத்து, அவர்களை உள்ளே தள்ளியிருந்த மல்லாகம் நீதிமன்றம் அவர்களுக்கு எதிரான சட்ட நடவடிக்கைகளை தொடர்ந்து முன்னெடுப்பதற்காக அரச பகுப்பாய்வு திணைக்களத்தை நாடியிருந்தது.

கைது செய்யப்பட்ட இளைஞர்களிடம் இருந்து கைப்பற்றப்பட்டிருந்த பெட்றோல் குண்டை (நேர்த்தியாக பெட்றோல் அடைக்கப்பட்ட போத்தல் குண்டு) ஆய்வு செய்து, அது அபாயகரமான ஆயுதங்கள் சட்டத்தின் கீழ் வருகின்றதா என்பது குறித்து அறிக்கை சமர்ப்பிக்குமாறு அரச பகுப்பாய்வாளருக்கு மல்லாகம் நீதிமன்றம் உத்தரவிட்டிருந்தது.

இதற்கமைவாக நடத்தப்பட்ட ஆய்வில், இந்த பெட்றோல் குண்டு அபாயகரமான ஆயுதங்களின் பட்டியலில் அடங்கவில்லை என அரச பகுப்பாய்வு திணைக்களம் நீதிமன்றத்திற்கு சமர்ப்பித்திருந்த அறிக்கையையடுத்து, சந்தேக நபர்கள் 10 பேரையும் மல்லாகம் நீதவான் சதீஸ்கரன் பிணையில் செல்ல அனுமதித்திருந்தார்.

இந்தத் தகவலை மேன் முறையீட்டு பிணை மனு வழக்குத் தவணையின்போது, யாழ் பல்கலைக்கழகத்தின் 2 மாணவர்கள் உள்ளிட்ட 10 சந்தேக நபர்களின் சார்பில் முன்னிலையாகியிருந்த சட்டத்தரணிகள் மேல் நீதிமன்ற நீதிபதி இளஞ்செழியனின் கவனத்திற்குக் கொண்டு வந்தனர்.

மல்லாகம் நீதிமன்றத்தில் சந்தேக நபர்கள் பத்து பேருக்கும் பிணை வழங்கப்பட்டிருப்பதனால், மேல் நீதிமன்றத்தில் தாக்கல் செய்யப்பட்டிருந்த தமது பிணை மனுவை கைவாங்குவதற்கு நீதிமன்றத்திடம் அந்த சட்டத்தரணிகள் அனுமதி கோரியிருந்தனர்.

அப்போது 2 யாழ் பல்கலைக்கழக மாணவர்களின் பெற்றோர்களும் நீதிமன்றத்தில் ஆஜராகியிருந்தனர்.

சட்டத்தரணிகளின் விண்ணப்பத்தை ஏற்று, இந்த பிணை மனு மீதான விசாரணையை முடிவுக்குக் கொண்டு வந்த நீதிபதி இளஞ்செழியன் தெரிவித்ததாவது.

ரவுடித்தனம், தெருச் சண்டித்தனம், வாள்வெட்டு, கோஸ்டி மோதல் போன்ற பொது அமைதியைக் குலைக்கின்ற சமூக விரோதச் செயற்பாடுகளுக்கு இடமளிக்க முடியாது.

இளைஞர்கள் கல்வி கற்பதற்காகவே, யாழ்ப்பாணம் பல்கலைக்கழகத்திற்குச் செல்கின்றனர். அவர்கள் தெருச் சண்டித்தனத்தில் ஈடுபட முடியாது.

யாழ்ப்பாணப் பல்கலைக்கழ மாணவர்களாக இருக்கும் 2 பேர், தெருவில் நின்ற மற்ற இளைஞர்களுடன் பெட்றோல் குண்டு பொல்லு வாள் மற்றும் ஆயுதங்களுடன்; கைது செய்யப்பட்டமை பாரதூரமான விடயமாகும்.

எனவே, யாழ் பல்கலைக்கழகத்தின் கௌரவம் பாதுகாக்கப்பட வேண்டியது முக்கியம். அது, அங்கு பயிலும் மாணவர்களின் முக்கிய பொறுப்பாகும்.

அந்த கௌரவம் பாதுகாக்கப்பட வேண்டுமானால், பல்கலைக்கழக மாணவர்கள் நீதிமன்றத்தின் குற்றக் கூண்டுகளில் நிற்கக் கூடாது. அவர்கள் தமது பொறுப்பை உணர்ந்து செயற்பட வேண்டும்.

இது விடயத்தில் பெற்றோரும் அசமந்தமான போக்கில் இருக்க முடியாது. அவர்களும் தமது பிள்ளைகள் குறித்து கூடிய கவனம் எடுத்துச் செயற்பட வேண்டும் என்றார்.

உங்கள் ராசி பலன் எப்படி…?


மேஷம்:

உங்கள் ராசிக்கு 4-ல் புதனும் 5-ல் குருவும் சுக்கிரனும் 6-ல் ராகுவும் உலவுவது சிறப்பாகும். வியாபார முன்னேற்ற நடவடிக்கைகள் நிறைவேறும். மாணவர்களது திறமை பளீச்சிடும். மகப்பேறு அல்லது மக்களால் பாக்கியம் உண்டாகும். பண நடமாட்டம் திருப்தி தரும். ஸ்பெகுலேஷன், கொடுக்கல்-வாங்கல் இனங்கள் லாபம் தரும். தெய்வப் பணிகளில் ஈடுபாடு கூடும். தான, தர்மப்பணிகளிலும் நாட்டம் அதிகரிக்கும். சாதுக்கள், மகான்கள் ஆகியோரது ஆசிகள் கிடைக்கும். புத்திசாலித்தனம் பளிச்சிடும். பிரச்னைகள் எளிதில் தீரும். மன உற்சாகம் பெருகும்.

கணவன் மனைவி உறவு நிலை திருப்தி தரும். கூட்டுத் தொழிலில் அபிவிருத்தி காணலாம். நல்லவர்களின் தொடர்பு பயன்படும். பயணத்தால் அனுகூலம் உண்டாகும். வெளிநாட்டுத் தொடர்புடன் செய்யும் வியாபாரம், தொழில் செழிக்கும். 4-ல் சூரியனும் செவ்வாயும் 8-ல் சனியும், 12-ல் கேதுவும் உலவுவதால் தாய் நலம் பாதிக்கும். சொத்துக்கள் சம்பந்தமான காரியங்களில் விழிப்புத் தேவை. உஷ்ணாதிக்கத்தால் உடல் நலம் கெடும். தொழிலாளர்களுக்கும் விவசாயிகளுக்கும் உழைப்பு அதிகரிக்கும் அளவுக்குப் பயன் இராது.

2-ஆம் தேதி முதல் சனி வக்கிர நிவர்த்தி பெற்றாலும் அனுகூலமிராது. துன்பங்களும் துயரங்களும் ஏற்படவே செய்யும். குரு பலம் இருப்பதால் சமாளிக்க முடியும். 4-ஆம் தேதி முதல் புதன் 5-ஆமிடம் மாறுவதால் வயிறு சம்பந்தமான உபாதைகள் ஏற்படும். 13-ஆம் தேதி முதல் சுக்கிரன் 4-ஆமிடம் மாறுவதால் சுகம் கூடும். 17-ஆம் தேதி முதல் சூரியன் 5-ஆமிடம் மாறினாலும் அதிர்ஷ்ட வாய்ப்புக்கள் கூடவே செய்யும். மகப்பேறு பாக்கியம் உண்டாகும். 23-ஆம் தேதி முதல் புதன் 6-ஆமிடம் மாறுவதால் வியாபாரம் செழிக்கும். கணிதம், விஞ்ஞானம், எழுத்து, பத்திரிகை, தரகு போன்ற இனங்களால் லாபம் கிடைக்கும்.

பரணி, கிருத்திகை நட்சத்திரக்காரர்களுக்கு அதிர்ஷ்ட வாய்ப்புக்கள் அதிகரிக்கும்.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 17, 20, 21, 25, 27, 31 (பிற்பகல்).

திசைகள்: தென்மேற்கு, தென்கிழக்கு, வடக்கு, வடகிழக்கு..

எண்கள்: 4, 5, 6.

————————————

ரிஷபம்:

உங்கள் ராசிக்கு 3-ல் சூரியனும் செவ்வாயும், 4-ல் சுக்கிரனும், 11-ல் கேதுவும் உலவுவது சிறப்பாகும். துணிச்சலான காரியங்களில் ஈடுபாடு கூடும் நேரமிது. எதிரிகள் அடங்கி, ஒதுங்கிப் போவார்கள். போட்டிகளில் வெற்றி கிடைக்கும்.
பிரச்னைகள் எளிதில் தீரும். ஜலப்பொருட்கள் லாபம் தரும். நிலம், மனை, வீடு, வாகனம் போன்ற சொத்துக்களின் சேர்க்கையோ, அவற்றால் ஆதாயமோ கிடைத்துவரும். நிர்வாக ஆற்றல் கூடும். அரசியல் ஈடுபாடு ஆக்கம் தரும். அரசாங்கத்தாரால் அனுகூலம் உண்டாகும்.

சுகானுபவம் ஏற்படும். கலைத்துறையினருக்கு வெற்றி வாய்ப்புக்கள் அதிகரிக்கும். புதிய ஆடை, அணிமணிகள் சேரும். அவற்றால் ஆதாயமும் கிடைக்கும். ஆன்மிகவாதிகளுக்கு வரவேற்பு கூடும். 5-ல் ராகுவும், 7-ல் சனியும் இருப்பதால் மக்களாலும், வாழ்க்கைத்துணைவராலும் சிறுசிறு இடர்ப்பாடுகள் அவ்வபபோது ஏற்படும். பக்குவமாகச் சமாளிப்பது நல்லது. 2-ஆம் தேதி முதல் சனி வக்கிர நிவர்த்தி பெறுவதால் வாழ்வில் முன்னேற்றம் காண் நல்ல வாய்ப்புக்கள் கூடிவரும். நண்பர்கள், கூட்டாளிகளால் அனுகூலம் ஏற்படும்.

4-ஆம் தேதி முதல் புதன் 4-ஆமிடம் மாறுவதால் வியாபாரிகளுக்கு வெளிச்சமான சூழ்நிலை உருவாகும். மாணவர்களது நிலை உயரும். 13-ஆம் தேதி முதல் சுக்கிரன் 3-ஆமிடம் மாறுவது கலைத்துறையினருக்கு வெற்றி வாய்ப்புக்களக் கூட்டும். என்றாலும் எதிர்ப்புக்களும் இருக்கும். 17-ஆம் தேதி முதல் சூரியன் 4-ஆமிடம் மாறுவதால் புதிய சொத்துக்கள் சேரும். பதவி, பட்டங்கள் கிடைக்கும். அரசியல் ஈடுபாடு ஆக்கம் தரும். 23-ஆம் தேதி முதல் புதன் 5-ஆமிடம் மாறுவதால் அதிர்ஷ்ட வாய்ப்புக்கள் அதிகமாகும். கற்பனை ஆற்றல் கூடும். மக்களால் நலம் உண்டாகும். வியாபார யுக்தி தெரியவரும். புதிய வழிமுறைகளைக் கையாள்வீர்கள். அதில் வெற்றியும் பெறுவீர்கள்.

கிருத்திகை, மிருகசீரிஷ நட்சத்திரக்காரர்களுக்கு அனுகூலமான மாதமிது.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 17, 20, 21, 27, 31 (பிற்பகல்).

திசைகள்: தென்கிழக்கு, கிழக்கு, தெற்கு, வடமேற்கு.

எண்கள்: 1, 6, 7, 9.

—————-

மிதுனம்:

உங்கள் ராசிக்கு 2-ல் புதனும் 3-ல் சுக்கிரனும் 6-ல் சனியும் 10-ல் கேதுவும உலவுவதால் வியாபாரம் பெருகும். நண்பர்களாலும், உறவினர்களாலும் நலம் பெருகும். எதிர்ப்புக்கள் குறையும். ஜலப்பொருட்களால் ஆதாயம் கிடைக்கும். கலைத்துறையினருக்கு வரவேற்பு கூடும். உடன்பிறந்தவர்கள் உதவுவார்கள். 2-ஆம் தேதி முதல்  பொதுநலப்பணியாளர்களுக்கு வரவேற்பு கூடும். தொழிலாலர்களுக்கும் விவசாயிகளுக்கும் முன்னேற்றமான சூழ்நிலை நிலவிவரும்.

போட்டிகளில் வெற்றி கிட்டும். ஆன்மிகத்தில் ஈடுபாடு அதிகரிக்கும். 2-ஆம் தேதி முதல் சனி வக்கிர நிவர்த்தி பெறுவதால் வெற்றி வாய்ப்புக்கள் அதிகரிக்கும். வழக்கில் வெற்றி கிடைக்கும். எதிரிகளின் கரம் வலுக்குறையும். சூரியனும் செவ்வாயும் 2-ல் இருப்பதால் பேச்சில் சூடான வார்த்தைகளை உதிர்க்கலாகாது. வீண்வம்பு வேண்டாம்.
4-ல் ராகு இருப்பதால் அலைச்சல் அதிகரிக்கவே செய்யும். குடும்பத்தில் சலசலப்புக்கள் ஏற்படும். தாய் நலனிஒல் அக்கறை தேவைப்படும்.

4-ஆம் தேதி முதல் புதன் 3-ஆமிடம் மாறுவது சிறப்பாகாது. வியாபாரத்தில் அதிக கவனம் தேவை. 13-ஆம் தேதி முதல் சுக்கிரன் 2-ஆமிடம் மாறுவதால் பண நடமாட்டம் சற்று அதிகரிக்கும். 17-ஆம் தேதி முதல் சூரியன் 3-ஆமிடம் மாறுவதால் நிர்வாகத்திறமை கூடும். அரசு விவகாரங்கள் ஆக்கம் தரும். முக்கியப் பதவிகளும் பொறுப்புக்களும் சிலருக்கு கிடைக்கும். 23-ஆம் தேதி முதல் புதன் 4-ஆமிடம் மாறி, பலம் கூடப் பெறுவதால் கணிதம், விஞ்ஞானம், எழுத்து, பத்திரிகை போன்ற இனங்கள் ஆக்கம் தரும்.

மிருகசீரிஷம், புனர்பூச நட்சத்திரக்காரர்களுக்கு சிறப்பான மாதமிது.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 17, 20, 21, 25, 31 (பிற்பகல்).

திசைகள்: மேற்கு, தென்கிழக்கு, வடமேற்கு.

எண்கள்: 6, 7, 8.

————————

கடகம்:

உங்கள் ராசிக்கு 2-ல் குருவும் சுக்கிரனும் 3-ல் ராகுவும் உலவுவதால் பேச்சில் திறமையும் இனிமையும் கூடும். மனத்தில் தெளிவும் தன்னம்பிக்கையும் பிறக்கும். முக்கியமான எண்ணங்கள் ஈடேறும். குடும்பத்தில் சுப காரியங்கள் நிகழும்.  பண வரவு அதிகரிக்கும். ஒன்றுக்கு மேற்பட்ட இனங்களால் வருவாய் கிடைக்கும். வெளியூர், வெளிநாட்டுத் தொடர்புகள் ஆக்கம் தரும். புதிய சொத்துக்களும் பொருட்களும் சேரும். கலைஞர்களுக்கு நல்ல வாய்ப்புக்கள் கூடிவரும். வண்டி, வாகனங்கலாள் ஆதாயம் கிடைக்கும

ஜன்ம ராசியில் செவ்வாய், புதன் சூரியன் ஆகியோர் இருப்பதால் உடல் நலனில் கவனம் தேவை. உஷ்ணாதிக்கத்தைக் குறைத்துக் கொள்ளவும்  2-ஆம் தேதி முதல் சனி வக்கிர நிவர்த்தி பெறுவதால் ஓரிரு எண்ணங்கள் நிறைவேறும். 4-ஆம் தேதி முதல் புதன் 2-ஆமிடம் மாறுவதால் குடும்ப நலம் சிறக்கும். வியாபாரம் பெருகும். எழுத்து, பத்திரிகை போன்ற இனங்கள் ஆக்கம் தரும். கேது 9-ல் இருப்பதால் தந்தை நலம் கவனிக்கப்பட வேண்டிவரும். 13-ஆம் தேதி முதல் சுக்கிரன் உங்கள் ஜன்ம ராசிக்கு மாறுவதால் புதிய பொருட்களின் சேர்க்கை நிகழும்.

17-ஆம் தேதி முதல் சூரியன் 2-ஆமிடம் மாறி குருவுடன் இணைவதால் ஏராளமான பணவரவு உண்டாகும். உயர் பதவிகளும் பொறுப்புக்களும் தேடிவரும். .அரசு உதவி கிடைக்கும். நிறுவன, நிர்வாகத்துறையினருக்கு அனுகூலமான போக்கு தென்படும். பேச்சின் மூலம் நலம் உண்டாகும். 23-ஆம் தேதி முதல் புதன் 3-ஆமிடம் மாறினாலும் தன் சொந்த வீட்டில் பலம் பெறுவதால் தகவல் தொடர்பு இனங்கள் ஆக்கம் தரும். போட்டிகளில் வெற்றி கிடைக்கும். உடன்பிறந்தவர்களின் நலனுக்காக சுபச் செலவு செய்வீர்கள்.

புனர்பூசம், ஆயில்ய நட்சத்திரக்காரர்களுக்கு சுபபலன்கள் கூடும் மாதமிது.

அதிர்ஷ்டத் தேதிகள்: ஆகஸ்ட் 6, 9, 10, 12, 17, 20, 21, 25, 27, 31 (பிற்பகல்).

திசைகள்: தென்மேற்கு, தென்கிழக்கு.

எண்கள்: 3, 4, 6.

——————

சிம்மம்:

மோசாரப்படி பெரும்பாலான கிரகங்கள் அனுகூலமாக இல்லாததால் எதிலும் ஒருமுறைக்குப் பலமுறை யோசித்து ஈடுபடுவது நல்லது. வீண்வம்பு, வழக்குகளைத் தவிர்ப்பது அவசியமாகும். பேச்சிலும் செயலிலும் நிதானம் தேவை. உணவுப் பழக்கத்தில் கட்டுப்பாடு அவசியமாகும். விஷத்தாலும் விஷ ஜந்துக்களாலும் ஆபத்து ஏற்படும்; எச்சரிக்கை தேவை. சுகம் குறையும். மனத்தில் சலனம் ஏற்படும். வேற்று மொழி, மத, இனக்காரர்களால் தொல்லைகள் சூழும்.வெளிநாட்டுத் தொடர்புடன் தொழில் செய்பவர்களுக்கு பிரச்னைகள் அதிகரிக்கும். பக்குவம் தேவை.

உஷ்ணாதிக்கத்தைக் குறைத்துக் கொள்வது நல்லது. வியாபாரத்தில் அதிக கவனம் செலுத்தினால் நஷ்டத்துக்கு ஆளாகாமல் தப்பலாம். 2-ஆம் தேதி முதல் சனி வக்கிர நிவர்த்தி பெற்று 4-ல் நேர்கதியில் உலவுவதும் சிறப்பாகாது. மார்பு, இதயம் சம்பந்தமான உபாதைகள் உள்ளவர்கள் விழிப்புடன் செயல்படுவது அவசியமாகும். கெட்டவர்களின் தொடர்பு அடியோடு கூடாது. 4-ஆம் தேதி முதல் புதன் ஜன்ம ராசிக்கு இடம் மாறுவதும் சிறப்பாகாது. 13-ஆம் தேதி முதல் சுக்கிரன் 12-ஆமிடம் மாறுவதால் சுபச் செலவுகள் ஏற்படும்.

17-ஆம் தேதி முதல் சூரியன் ஜன்ம ராசிக்கு இடம் மாறுவதால் மதிப்பு உயரும். அரசியல் ஈடுபாடு ஆக்கம் தரும். நிர்வாகத்திறமை கூடும். 23-ஆம் தேதி முதல் புதன் 2-ஆமிடம் மாறுவதால் வியாபாரத்தில் வளர்ச்சி காணலாம். கணிதம், எழுத்து, பத்திரிகை, சிற்பம், ஓவியம், தரகு, கமிஷண் ஏஜன்ஸி போன்ற இனங்களால் வருமானம் கிடைக்கும். குடும்ப நலம் சீராகும். பல வழிகளில் லாபம் கிடைக்கும். வியாபார நுணுக்கம் தெரியவரும். நூதன கண்டுபிடிப்புக்களின் மூலம் பெயரும் புகழும் கிடைக்கும். சமய சந்தர்ப்பத்துக்கு ஏற்ப பேச்சு அமையும். கணவன் மனைவி உறவு நிலை சீராகும். கூட்டுத் தொழிலில் அபிவிருத்தி காணலாம்.

பூர, உத்திர  நட்சத்திரக்காரர்களுக்கு ஓரளவு நன்மைகள் உண்டாகும். மக நட்சத்திரக்காரர்களுக்கு சோதனையான மாதமிது.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 17, 20, 21, 25, 27.

திசை: தென்கிழக்கு.

எண்: 6.

—————————–

கன்னி:

உங்கள் ஜன்ம ராசிக்கு 3-ல் சனியும் 11-ல் சூரியனும் செவ்வாயும் புதனும் 12-ல் சுக்கிரனும் உலவுவது சிறப்பாகும்.

வெற்றி வாய்ப்புக்கள் அதிகரிக்கும். பொது நலப்பணிகளில் ஈடுபாடு கூடும். தொழிலாளர்களது நிலை உயரும். விவசாயிகளுக்கு மகசூல் கூடும். ஆதாயமும் கிடைக்கும். ஆலைகள், தோட்டங்கள், சுரங்கங்கள் ஆகிவற்றில் தொழில் புரிபவர்கள் வளர்ச்சி காண்பார்கள். அரசியல் ஈடுபாடு ஆக்கம் தரும். நிர்வாகம், நிறுவனம், எலெக்ட் ரானிக், கம்ப்யூட்டர் போன்ற இனங்களைச் சேர்ந்தவர்களுக்குச் செழிப்பான சூழ்நிலை நிலவிவரும்.

பொறியியல், சட்டம், காவல், இராணுவம் போன்ற துறைகளைச் சேர்ந்தவர்கள் வளர்ச்சி காண்பார்கள். கணிதம், எழுத்து, பத்திரிகை போன்ற இனங்கள் லாபம் தரும். சுபச் செலவுகள் அதிகரிக்கும். நல்ல இடத்துக்கு மாற்றம் கிடைக்கும். வாழ்க்கை வசதிகளைப் பெருக்கிக் கொள்ளச் சந்தர்ப்பம் உருவாகும். 2-ஆம் தேதி முதல் சனி வக்கிர நிவர்த்தி பெறுவது சிறப்பாகும். துணிச்சலான காரியங்களில் ஈடுபாடு கூடும். போட்டிப் பந்தயங்களில் வெற்றி கிடைக்கும். உடன்பிறந்தவர்கள் உதவி புரிவார்கள்.

4-ஆம் தேதி முதல் புதன் 12-ஆமிடம் மாறுவதால் வியாபாரிகளுக்கு நஷ்டம் ஏற்படும்; எச்சரிக்கை தேவை. செய்து வரும் தொழிலில் அதிக கவனம் செலுத்துவதன் மூலம் பிரச்னைகளைக் குறைத்துக் கொள்ளலாம். 13-ஆம் தேதி முதல் சுக்கிரன் 11-ஆமிடம் மாறுவதால் கலைஞர்களுக்கு நல்ல வாய்ப்புக்கள் கூடிவரும். 17-ஆம் தேதி முதல் சூரியன் 12-ஆமிடம் மாறுவதால் அரசாங்கத்தாராலும் தந்தையாலும் மக்களாலும் சங்கடங்கள் ஏற்படும். இடமாற்றமும் நிலைமாற்றமும் ஏற்படும். 23-ஆம் தேதி முதல் புதன் ஜன்ம ராசிக்கு இடம் மாறினாலும் பலம் பெறுவதால் நலம் புரிவார். தொஇல் வர்த்தகம் வியாபாரம் ஆகியவற்றில் வளர்ச்சி காண வழிபிறக்கும். கணிதம், விஞ்ஞானம், எழுத்து, பத்திரிகை போன்ற இனங்கள் ஆக்கம் தரும்.

உத்திரம், சித்திரை நட்சத்திரக்காரர்களுக்கு சுப பலன்கள் சற்று கூடும்,

அதிர்ஷ்டத் தேதிகள்: ஆகஸ்ட் 2, 9, 10, 12, 17, 20, 21, 25, 27, 31 (பிற்பகல்).

திசைகள்: வடக்கு, மேற்கு, தென்கிழக்கு.

எண்கள்: 1, 5, 6, 8, 9.

——————————–

துலாம்:

உங்கள் ராசிக்கு 6-ல் கேதுவும் 10-ல் சூரியனும் செவ்வாயும் புதனும், 11-ல் குருவும் சுக்கிரனும் உலவுவது சிறப்பாகும்.
துணிச்சலான காரியங்களில் ஈடுபாடு கூடும். தெய்வப் பணிகள் இப்போது நிறைவேறும். அரசியல் ஈடுபாடு ஆக்கம் தரும். பதவி உயர்வு, இடமாற்றம், ஊதிய உயர்வு ஆகியவை கிடைக்கும். முக்கியஸ்தர்கள் உங்களுக்கு உதவி புரிவார்கள். பொருளாதார நிலை உயரும். திடீர் அதிர்ஷ்ட வாய்ப்புக்களும் கூடிவரும். ஜலப்பொருட்கள் லாபம் தரும். கடல் சார்ந்த தொழிலில் அபிவிருத்தி காணலாம்.

காடு, மலை, வனாந்தரங்களில் தொழில் புரிபவர்களுக்கு அனுகூலமான போக்கு தென்படும். ஒன்றுக்கு மேற்பட்ட இனங்களால் வருவாய் கிடைக்கும். உடன்பிறந்தவர்கள் உதவுவார்கள். தந்தையால் அனுகூலம் ஏற்படும். பிதுரார்ஜிதச் சொத்துக்களும் பொருட்களும் கிடைக்கும். வியாபாரத்தில் வளர்ச்சி காண வழிபிறக்கும். எழுத்தாளர்களுக்கும் பத்திரிகையாளர்களுக்கும் வரவேற்பு கூடும். கலைஞர்களுக்குப் புதிய ஒப்பந்தங்கள் கையெழுத்தாகும். எதிரிகள் அடங்குவார்கள். மன உற்சாகம் பெருகும்.

பெண்களாலும், வாழ்க்கைத்துணைவியாலும் அனுகூலம் ஏற்படும். 12-ல் ராகு இருப்பதால் எதிர்பாராத செலவுகளும் இழப்புக்களும் ஏற்படும். பயணத்தின்போது விழிப்புடன் இருப்பது நல்லது. கனவு தொல்லை தரும். 2-ஆம் தேதி முதல் சனி வக்கிர நிவர்த்தி பெற்று நேர்கதியில் உலவுவதால் நலம் உண்டாகும். 4-ஆம் தேதி முதல் புதன் 11-ஆமிடம் மாறுவதால் பல வழிகளில் ஆதாயம் கிடைக்கும். 13-ஆம் தேதி முதல் சுக்கிரன் 10-ஆமிடம் மாறுவது சிறப்பாகாது. தொழில் ரீதியாகச் சில இடர்ப்பாடுகள் ஏற்பட்டு விலகும். 17-ஆம் தேதி முதல் சூரியன் 11-ஆமிடம் மாறுவதால் ஆதாயம் கூடும். அரசுப்பணிகள் நிறைவேறும். புதிய பொறுப்புக்கள் கிடைக்கும். 23-ஆம் தேதி முதல் புதன் 12-ஆமிடம் மாறுவதால் நற்காரியங்களுக்காகச் செலவு செய்ய வேண்டிவரும். வெளிநாடு செல்ல வாய்ப்புக் கூடிவரும்.

சித்திரை, விசாகம் நட்சத்திரக்காரர்களுக்கு விசேடமான நற்பலன்கள் உண்டாகும்.

அதிர்ஷ்டத் தேதிகள்: ஆகஸ்ட் 2, 6, 10, 12, 17, 20, 21, 25, 27, 31 (பிற்பகல்).

திசைகள்: கிழக்கு, வடக்கு, தெற்கு, வடமேற்கு, வடகிழக்கு, தென்கிழக்கு.. .

எண்கள்: 1, 3, 5, 6, 7, 9.

————————————————-

விருச்சிகம்:

உங்கள் ராசிக்கு 11-ஆமிடத்தில் ராகு உலவுவது சிறப்பாகும். புதியவர்களின் தொடர்பு பயன்படும். பயணத்தின் மூலம் முக்கியமான எண்ணங்கள் ஈடேறும். தோல்பொருட்கள், போக்குவரத்துச் சாதனங்கள், ஏற்றுமதி-இறக்குமதி இனங்களால் ஆதாயம் கிடைத்துவரும். ஆராய்ச்சியாளர்களுக்கு மதிப்பு உயரும். 2-ஆம், தேதி முதல் சனி வக்கிர நிவர்த்தி பெற்றாலும் சங்கடங்களே உண்டாகும். சனிப் பிரீதி தொடர்ந்து செய்துவருவது நல்லது. 4-ஆம் தேதி முதல் புதன் 10-ஆமிடம் மாறுவதால் வியாபாரிகளுக்கு லாபம் கூடும்.

13-ஆம் தேதி முதல் சுக்கிரன் 9-ஆமிடம் மாறுவதால் கலைஞர்களுக்கு முன்னேற்றமான சூழ்நிலை உருவாகும். கணவன் மனைவி உறவு நிலை சீராகும். தொலைதூரத் தொடர்பு பயன்படும். 17-ஆம் தேதி முதல் சூரியன் 10-ஆமிடம் மாறுவது விசேடமாகும். தொழில் ஸ்திரப்படும். நிறுவன, நிர்வாகத்துறையினருக்குச் செழிப்பான சூழ்நிலை உருவாகும். பண வரவு கூடும். மதிப்பும் அந்தஸ்தும் உயரும். பிரச்னைகள் குறையும். பதவி உயர்வு, இடமாற்றம், ஊதிய உயர்வு ஆகியவற்றைப் பெறச் சந்தர்ப்பம் கூடிவரும்.

அரசுப்பணிக்ளில் ஈடுபாடு உள்ளவர்களுக்கு முன்னேற்றமான பாதை புலப்படும். ஆன்மிகத்தில் ஈடுபாடு அதிகரிக்கும். 23-ஆம் தேதி முதல் புதன் 11-ஆமிடம் மாறி வலுப்பெறுவதால் எழுத்தாளர்களுக்குப் பத்திரிகையாளர்களுக்கும் வரவேற்பு அதிகரிக்கும். புதிய கருத்துக்களை வெளியிட்டு நற்பெயரும் புக்ழும் பெறமுடியும். புதன் ராகுவுடன் கூடுவதால் ஆராய்ச்சித்துறைகளில் ஈடுபாடு உள்ளவர்களுக்கு வளர்ச்சி தெரியவரும். பயணத்தால் அனுகூலம் உண்டாகும். வியாபாரம் பெருகும். 5-ல் கேதுவும் 10-ல் குருவும் இருப்பதால் மக்களால் மன அமைதி குறையும். உடன்பிறந்தவர்களின் உடல்நலனில் கவனம் தேவை. த்யானம், யோகா ஆகியவற்றில் ஈடுபாடு உள்ளவர்களுக்கு தெளிவு பிறக்கும்.

விசாகம், கேட்டை நட்சத்திரக்காரர்களுக்கு சுபபலன்கள் கூடும் மாதமிது.

அதிர்ஷ்டத் தேதிகள்: ஆகஸ்ட் 2, 6, 9, 17, 20, 21, 25, 27, 31 (பிற்பகல்).

திசைகள்: கிழக்கு, தென்மேற்கு, தென்கிழக்கு. .

எண்கள்: 1, 4, 5, 6.

——————————————————

தனுசு:

உங்கள் ராசிக்கு 8-ல் புதனும் 9-ல் குருவும் சுக்கிரனும் 10-ல் ராகுவும்  உலவுவதால் மதிப்பும் அந்தஸ்தும் உயரும்.

வியாபாரம் பெருகும். ஜலப்பொருட்களால் லாபம் கிடைக்கும். தெய்வப் பிரார்த்தனைகள் நிறைவேறும். மருத்துவம், இரசாயனம், விஞ்ஞானம், ஆன்மிகம் போன்ற துறைகளைச் சேர்ந்தவர்கள் வளர்ச்சி காண்பார்கள். புதிய சொத்துக்களும் பொருட்களும் சேரும். கலைஞர்கள் வெற்றிப்படிகளில் ஏறுவார்கள். பொருளாதார நிலை உயரும். திடீர் அதிர்ஷ்ட வாய்ப்புக்கள் கூடிவரும். மக்களாலும் வாழ்க்கைத்துணைவராலும் அனுகூலம் ஏற்படும்.

வெளிநாட்டுத் தொடர்புடன் செய்யும் தொழில் விருத்தி அடையும். பயணத்தின் மூலம் அனுகூலம் ஏற்படும். 4-ல் கேது இருப்பதால் அலைச்சல் கூடும். தாய் நலம் கவனிக்கப்பட வேண்டிவரும். சொத்துக்கள் சம்பந்தமான பிரச்னைகள் ஏற்படும். உடன்பிறந்தவர்களது நலனில் கவனம் தேவை. 2-ஆம் தேதி முதல் சனி வக்கிர நிவர்த்தி பெற்றாலும் வீண் செலவுகளும் இழப்புக்களும் ஏற்படும். இடமாற்றமும், நிலைமாற்றமும் ஏற்படும். குடும்பத்தை விட்டுச் சிலர் பிரிந்திருக்க வேண்டிவரும்.

4-ஆம் தேதி முதல் பதன் 9-ஆமிடம் மாறுவதால் புனிதமான காரியங்களில் ஈடுபாடு கூடும். 13-ஆம் தேதி முதல் சுக்கிரன் 8-ஆமிடம் மாறுவதால் திடீர் அதிர்ஷ்ட வாய்ப்புக்கள் கூடிவரும். 17-ஆம் தேதி முதல் சூரியன் 9-ஆமிடம் மாறினாலும் தன் சொந்த ராசியில் குருவோடும் புதனோடும் சேருவதால் தெய்வ தரிசனமும் சாது தரிசனமும் கிடைக்கும். தொலைதூரத் தொடர்பு பயன்படும். 23-ஆம் தேதி முதல் புதன் 10-ஆமிடம் மாறுவதால் வேலையில்லாதவர்களுக்குத் தகுந்ததொரு வாய்ப்புக் கிடைக்கும். பதவி உயர்வு, இடமாற்றம், ஊதிய உயர்வு ஆகியவற்றைப் பெறச் சந்தர்ப்பம் உருவாகும். தாய் மாமன் மூலம் அனுகூலம் ஏற்படும்.

பூராடம் உத்திராடம்  நட்சத்திரக்காரர்களுக்கு நற்பலன்கள் அதிகம் உண்டாகும்.

அதிர்ஷ்டத் தேதிகள்: ஆகஸ்ட் 2, 6, 9, 10, 12 (முற்பகல்), 17, 20, 21, 25, 27, 31 (பிற்பகல்).

திசைகள்: தென்மேற்கு, வடக்கு, வடகிழக்கு, தென்கிழக்கு. .

எண்கள்: 3, 4, 5, 6.

——————————————-

மகரம்:

உங்கள் ராசிக்கு அதிபதி சனி 11-ல் இருப்பது விசேடமாகும். 3-ல் உள்ள கேதுவும், 8-ல் சஞ்சரிக்கும் சுக்கிரனும் கூட நலம் புரிவார்கள். மதிப்பும் அந்தஸ்தும் உயரும். வாழ்க்கை வசதிகள் பெருகும். பொதுநலப்பணிகளில் ஆற்வம் கூடும். தொழிலாளர்கள்து கோரிக்கைகள் சில இப்போது நிறைவேறும். எண்ணெய் வகையறாக்கள், கச்சாப் பொருடட்கள். சுரங்கப் பொருட்கள் ஆகியவை லாபம் தரும். பொருள்சாதார நிலை சீராகவே இருந்துவரும். உழைப்பு வீண்போகாது. கறுப்பு நிறமுள்ளவரால் உங்களுக்கு அனுகூலம் ஏற்படும்.

மனத்தில் துணிவு பிறக்கும். பக்தி மார்க்கத்தில் ஈடுபாடு கூடும். கலைத்துறையினருக்கு எதிர்ப்புக்களுக்கிடையேயும் வளர்ச்சி காண வழிபிறக்கும். 2-ஆம் தேதி முதல் சனி வக்கிர நிவர்த்தி பெறுவதால் விசேடமான நன்மைகள் உண்டாகும்., ஏராளமான பொருள் வந்து சேரும். அதிர்ஷ்ட வாய்ப்புக்கள் கூடிவரும். பல வழிகளில் ஆதாயம் கிடைக்கும். சனி கொடுத்தால் யார் தடுப்பார் என்பார்கள். சனி கொடுக்கும் நேரம் இது. 4-ஆம் தேதி முதல் புதன் 8-ஆமிடம் மாறுவதால் வியாபாரம், கணிதம், எழுத்து, பத்திரிகை போன்ற துறைகள் ஆக்கம் தரும்.

எதிர்பாராத பொருட்சேர்க்கை நிகழும். 13-ஆம் தேதி முதல் சுக்கிரன் வக்கிரமான 7-ஆமிடத்தில் செவ்வாயுடன் கூடுவதால் கணவன் மனைவி உறவு நிலை பாதிக்கும். சகிப்புத் தன்மை தேவை. 17-ஆம் தேதி முதல் சூரியன் 8-ஆமிடம் மாறுவதால் தந்தை நலனில் கவனம் தேவை. அரசு விவகாரங்களில் விழிப்புடன் ஈடுபடுவது நல்லது. உஷ்ணாதிக்கத்தால் உடல் நலம் பாதிக்கும். 23-ஆம் தேதி முதல் புதன் 9-ஆமிடம் மாறுவதால் புனிதமான காரியங்களில் ஈடுபாடு உண்டாகும். தொலைதூரத்திலிருந்து நல்ல தகவல் கிடைக்கும்.

உத்திராடம், அவிட்டம் நட்சத்திரக்காரர்களுக்கு சுபபலன்கள் கூடும்.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 20, 21, 25, 27, 31 (பிற்பகல்).

திசைகள்: மேற்கு, வடமேற்கு.

எண்கள்: 6, 7, 8.

——————————-

கும்பம்:

உங்கள் ஜன்ம ராசிக்கு 6ல் சூரியன், செவ்வாய், புதன் ஆகியோரும் 7-ல் குருவும் 10-ல் சனியும் உலவுவது சிறப்பாகும். அர்சு சம்பந்தமான காரியங்கள் இப்போது நிறைவேறும். முக்கியஸ்தர்கள் உங்களுக்கு உதவுவார்கள். நிர்வாகத்திறமை பளிச்சிடும். காரியத்தில் வெற்றி கிடைக்கும். புதிய முயற்சிகள் கைகூடும். வியாபாரத்தில் வளர்ச்சி கான வழிபிறக்கும். நல்லவர்கள் உங்க்ளுக்குப் பக்கபலமாக இருப்பார்கள். நற்பணிகளில் ஈடுபாடு உண்டாகும். திருமணம் போன்ற சுப காரியங்கள் நிகழ வாய்ப்புக் கூடிவரும்.

கணவன் மனைவி உறவு நிலை திருப்தி தரும். கூட்டாளிகளால் நலம் உண்டாகும். பண வரவு அதிகரிக்கும். 2-ஆம் தேதி முதல் சனி வக்கிர நிவர்த்தி பெறுவதால் தொழில் வளர்ச்சி பெறும். வேலையில்லாதவர்களுக்கு நல்லதொரு வாய்ப்புக் கூடிவரும். தொழிலில் இடமாற்றமும் சிலருக்கு இப்போது கிடைக்கும். 4-ஆம் தேதி முதல் புதன் 7-ஆமிடம் மாறுவது சிறப்பாகாது. வியாபாரிகள் விழிப்புடன் செயல்படுவது நல்லது. 13-ஆம் தேதி முதல் சுக்கிரன் 6-ஆமிடம் மாறுவதால் கலைஞர்களுக்கும் மாதர்களுக்கும் பிரச்னைகள் சூழும்.

17-ஆம் தேதி முதல் சூரியன் 7-ஆமிடம் மாறுவதும் குறை ஆகும். வாழ்க்கைத்துணைவரின் நலனில் கவனம் தேவைப்படும். கணவன் மனைவி இடையே கருத்துஇ வேறுபாடுகள் ஏற்படும். விட்டுக் கொடுத்துப் பழகிவருவது நல்லது. பெண்களால் பிரச்னைகள் சூழும். 23-ஆம் தேதி முதல் புதன் 8-ஆமிடம் மாறி வலுப்பெறுவதால் வியாபாரிகளுக்கு லாபம் கூடும். திடீர் அதிர்ஷ்ட வாய்ப்புக்கள் கூடிவரும். கணிதம், எழுத்து, பத்திரிகை போன்ற இனங்கள் லாபம் தரும். மாணவர்களது நிலை உயரும். தரகர்களுக்கு கமிஷன் அதிகரிக்கும்.

அவிட்டம், பூரட்டாதி நட்சத்திரக்காரர்களுக்கு சுப பலன்கள் கூடும் மாதமிது.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 20, 21, 25, 27, 31 (பிற்பகல்).

திசைகள்: வடக்கு, மேற்கு, வடகிழக்கு.

எண்கள்: 1, 3, 5, 8, 9.

———————————

மீனம்:

கோசாரப்படி கிரகநிலை சிறப்பாக இல்லாததால் விசேடமான நன்மைகளை இந்த நேரத்தில் எதிர்பார்க்க இயலாது. மதிப்புக்கும் அந்தஸ்துக்கும் குறை ஏற்படும். உடல் நலம் பாதிக்கும். மனத்தில் ஏதேனும் சலனம் இருந்துவரும். குடும்பத்தில் நிம்மதி குறையும். பொருள்வரவு சீராக இராது. தேவைகளைச் சமாளிக்கக கடன்பட வேண்டிவரும். பெரியவர்களின் அதிருப்திக்கு ஆளால வேண்டிய சூழ்நிலை ஏற்படும். எண்ணங்கள் ஈடேற அரும்பாடுபட வேண்டிவரும். எதிலும் முழுமையான வெற்றி இராது.

மக்களால் மன அமைதி குறையும். பயணத்தால் சங்கடம் உண்டாகும். வயிறு சம்ப்ந்தமான உபாதைகள் ஏற்படும்.
உத்தியோகஸ்தர்களுக்கும் தொழிலாளர்களுக்கும் முன்னேற்றக் காணத் தடைகளும் குறுக்கீடுகளும் ஏற்படும். வேற்று மொழி, மத, இனக்காரர்களிடம் எச்சரிக்கையுடன் இருப்பது நல்லது. கோபம் அதிகரிக்கும்; கட்டுப்படுத்திக் கொள்ளவும். பொருள் கொடுக்கல்-வாங்கலில் எச்சரிக்கை தேவை. பெண்களால் பிரச்னைகள் சூழும். கணவன் மனைவி உறவு நிலை சீராக இராது. விட்டுக் கொடுத்துப் போவது நல்லது.

2-ஆம் தேதி முதல் சனி வக்கிர நிவர்த்தி பெறுவதால் ஓரளவு நலம் உண்டாகும். 4-ஆம் தேதி முதல் புதன் 6-ஆமிடம் மாறுவதால் வியாபாரிகளுக்க் ஓரளவு லாபம் கூடும். 13-ஆம் தேதி முதல் சுக்கிரன் 5-ஆமிடம் மாறுவதால் கலைஞர்களுக்கு வரவேற்பு கூடும். மாதர்களது நலம் சிறக்கும். 17-ஆம் தேதி முதல் சூரியன் பலம் பெறுவதால் அரசு சம்பந்தமான காரியங்கள் நிறைவேறும். தந்தையால் அனுகூலம் உண்டாகும். எதிர்ப்புக்கள் குறையும். புதிய பதவி, பட்டங்கள் சிலருக்கு கிடைக்கும். சிவ வழிபாடு நலம் கூட்டும். 23-ஆம் தேதி முதல் புதன் 7-ஆமிடம் மாறுவது சிறப்பாகாது. சிறுசிறு இடர்ப்பாடுகள் அவ்வப்போது ஏற்படும்.

பூரட்டாதி, ரேவதி நட்சத்திரக்காரர்களுக்கு சுபபலன்கள் கூடும்.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 17, 25, 27, 31 (பிற்பகல்).

திசைகள்: தெற்கு, வடமேற்கு

எண்கள்: 2, 9.

vikatan.com

ஐ.தே.கவின் அலுவலகம் மீது தாக்குதல்

ஐக்கிய தேசியக் கட்சியின் யாழ். மாவட்ட வேட்பாளர் வைத்தியகலாநிதி சிவசங்கரின் அலுவலகம் இனம் தெரியாதோரால் தாக்கப்பட்டதாக பொலிஸ் நிலையத்தில் முறைப்பாடு செய்யப்பட்டுள்ளது.

இந்த தாக்குதல் சம்பவம் இன்று ஞாயிற்றுக்கிழமை அதிகாலை இடம்பெற்றுள்ளது
. இந்தத் தாக்குதலை நடத்தியவர்கள், அலுவலகத்தின் முன்பாக இருந்த வேட்பாளரின் பெயர்ப் பலகையின் ஒரு பகுதியை எரித்து, பின் அதனைத் தூக்கிச் சென்றதுடன், வேலியில் இருந்த தகரங்களை கழற்றி எறிந்து, அலுவலகத்தில் இருந்த மின்குமிழ்களையும் அடித்து நொறுக்கிச் சென்றுள்ளனர் எனத் தெரிவிக்கப்படுகின்றது.
இந்த சம்பவம் குறித்து சுன்னாகம் பொலிஸார் விசாரணைகளை மேற்கொண்டு வருகின்றனர்

மியன்மாரில் வெள்ளம் : 27 பேர் பலி!!


மியன்மாரில் ஏற்பட்ட கடும் வெள்ளப் பெருக்கின் காரணமாக 27 பேர் உயிரிழந்துள்ளதாக சர்வதேக ஊடகங்கள் செய்தி வெளியிட்டுள்ளன.
குறித்த அனர்த்தத்தினால் பாரிய அளவிலான பொருட்சேதங்களும் ஏற்பட்டுள்ளதாக தெரிவிக்கப்படுகின்றது.குறித்த வெள்ளப் பெருக்கில் சுமார் ஒரு இலட்சத்திற்கும் அதிகமான மக்கள் பாதிக்கப்பட்டுள்ளமை குறிப்பிடத்தக்கது.
மியன்மாரில் 14 மாகாணங்களில் ஒரு மாகாணத்தை தவிர ஏனைய மாகாணங்கள் அனைத்தும் ஏதோ ஒரு வகையில் வெள்ளத்தினால் பாதிக்கப்பட்டுள்ளதாகவும் 5 இலட்சம் ஏக்கருக்கும் மேற்பட்ட நெற்பயிர்ச் செய்கைகள் நீரில் முழ்கியுள்ளதாகவும் தெரிவிக்கப்படுகின்றன.

லொரி விபத்தால் ரயில் சேவை பாதிப்பு – 20 பேர் காயம்!!

கம்பளை மற்றும் கேலிஓயவுக்கு இடையிலான பகுதியில் வீதியை விட்டு விலகிய லொரி ஒன்று ரயில் பாதையில் விழுந்து  விபத்துக்குள்ளாகியுள்ளது.இன்று காலை 10.00 மணியளவில் இந்த விபத்து ஏற்பட்டுள்ளதாக பொலிஸ் ஊடகப் பேச்சாளர் அலுவலகம் குறிப்பிட்டுள்ளது.
மேலும் இந்த விபத்தில் லொரியில் சென்ற 20 பேர் காயமடைந்த நிலையில் கம்பளை வைத்தியசாலையில் அனுமதிக்கப்பட்டுள்ளனர்.அத்துடன் ஆபத்தான நிலையில் இருந்த சிறு குழந்தையொன்று உள்ளிட்ட இருவர் மேலதிக சிகிச்சைகளுக்காக பேராதனை வைத்தியசாலைக்கு மாற்றப்பட்டுள்ளதாக பொலிஸார் சுட்டிக்காட்டியுள்ளனர்.
யாத்திரை ஒன்றின் நிமித்தம் சென்ற குழுவினரே இவ்வாறு விபத்துக்கு முகம்கொடுத்துள்ளதோடு சாரதிக்கு ஏற்பட்ட தூக்கக் கலக்கமே இதற்குக் காரணம் எனவும் பொலிஸாரின் விசாரணைகளில் இருந்து தெரியவந்துள்ளது.இதேவேளை இந்த விபத்தினால் மலையகப் பகுதிகளுக்கான ரயில் போக்குவரத்து சுமார் ஒன்றரை மணித்தியாலங்கள் தாமதமடைந்துள்ளதாக ரயில்வே கட்டுப்பாட்டு மத்திய நிலையம் குறிப்பிட்டுள்ளது.

சமையல் குறிப்புகள்

மருத்துவக் குறிப்புகள்

 

Copyright © 2015. TAMILSUNITY - All Rights Reserved

PROUDLY EDITED AND DESIGNED BY SITE ADMIN