செய்தியாளராக தொடர்பு கொள்ளவும் NEWS@TAMILSUNITY.COM
புதிய தலைப்புக்கள்

உங்கள் ராசி பலன் எப்படி…?

Written By PROUDLY ADMIN on Sunday, August 2, 2015 | 8/02/2015


மேஷம்:

உங்கள் ராசிக்கு 4-ல் புதனும் 5-ல் குருவும் சுக்கிரனும் 6-ல் ராகுவும் உலவுவது சிறப்பாகும். வியாபார முன்னேற்ற நடவடிக்கைகள் நிறைவேறும். மாணவர்களது திறமை பளீச்சிடும். மகப்பேறு அல்லது மக்களால் பாக்கியம் உண்டாகும். பண நடமாட்டம் திருப்தி தரும். ஸ்பெகுலேஷன், கொடுக்கல்-வாங்கல் இனங்கள் லாபம் தரும். தெய்வப் பணிகளில் ஈடுபாடு கூடும். தான, தர்மப்பணிகளிலும் நாட்டம் அதிகரிக்கும். சாதுக்கள், மகான்கள் ஆகியோரது ஆசிகள் கிடைக்கும். புத்திசாலித்தனம் பளிச்சிடும். பிரச்னைகள் எளிதில் தீரும். மன உற்சாகம் பெருகும்.

கணவன் மனைவி உறவு நிலை திருப்தி தரும். கூட்டுத் தொழிலில் அபிவிருத்தி காணலாம். நல்லவர்களின் தொடர்பு பயன்படும். பயணத்தால் அனுகூலம் உண்டாகும். வெளிநாட்டுத் தொடர்புடன் செய்யும் வியாபாரம், தொழில் செழிக்கும். 4-ல் சூரியனும் செவ்வாயும் 8-ல் சனியும், 12-ல் கேதுவும் உலவுவதால் தாய் நலம் பாதிக்கும். சொத்துக்கள் சம்பந்தமான காரியங்களில் விழிப்புத் தேவை. உஷ்ணாதிக்கத்தால் உடல் நலம் கெடும். தொழிலாளர்களுக்கும் விவசாயிகளுக்கும் உழைப்பு அதிகரிக்கும் அளவுக்குப் பயன் இராது.

2-ஆம் தேதி முதல் சனி வக்கிர நிவர்த்தி பெற்றாலும் அனுகூலமிராது. துன்பங்களும் துயரங்களும் ஏற்படவே செய்யும். குரு பலம் இருப்பதால் சமாளிக்க முடியும். 4-ஆம் தேதி முதல் புதன் 5-ஆமிடம் மாறுவதால் வயிறு சம்பந்தமான உபாதைகள் ஏற்படும். 13-ஆம் தேதி முதல் சுக்கிரன் 4-ஆமிடம் மாறுவதால் சுகம் கூடும். 17-ஆம் தேதி முதல் சூரியன் 5-ஆமிடம் மாறினாலும் அதிர்ஷ்ட வாய்ப்புக்கள் கூடவே செய்யும். மகப்பேறு பாக்கியம் உண்டாகும். 23-ஆம் தேதி முதல் புதன் 6-ஆமிடம் மாறுவதால் வியாபாரம் செழிக்கும். கணிதம், விஞ்ஞானம், எழுத்து, பத்திரிகை, தரகு போன்ற இனங்களால் லாபம் கிடைக்கும்.

பரணி, கிருத்திகை நட்சத்திரக்காரர்களுக்கு அதிர்ஷ்ட வாய்ப்புக்கள் அதிகரிக்கும்.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 17, 20, 21, 25, 27, 31 (பிற்பகல்).

திசைகள்: தென்மேற்கு, தென்கிழக்கு, வடக்கு, வடகிழக்கு..

எண்கள்: 4, 5, 6.

————————————

ரிஷபம்:

உங்கள் ராசிக்கு 3-ல் சூரியனும் செவ்வாயும், 4-ல் சுக்கிரனும், 11-ல் கேதுவும் உலவுவது சிறப்பாகும். துணிச்சலான காரியங்களில் ஈடுபாடு கூடும் நேரமிது. எதிரிகள் அடங்கி, ஒதுங்கிப் போவார்கள். போட்டிகளில் வெற்றி கிடைக்கும்.
பிரச்னைகள் எளிதில் தீரும். ஜலப்பொருட்கள் லாபம் தரும். நிலம், மனை, வீடு, வாகனம் போன்ற சொத்துக்களின் சேர்க்கையோ, அவற்றால் ஆதாயமோ கிடைத்துவரும். நிர்வாக ஆற்றல் கூடும். அரசியல் ஈடுபாடு ஆக்கம் தரும். அரசாங்கத்தாரால் அனுகூலம் உண்டாகும்.

சுகானுபவம் ஏற்படும். கலைத்துறையினருக்கு வெற்றி வாய்ப்புக்கள் அதிகரிக்கும். புதிய ஆடை, அணிமணிகள் சேரும். அவற்றால் ஆதாயமும் கிடைக்கும். ஆன்மிகவாதிகளுக்கு வரவேற்பு கூடும். 5-ல் ராகுவும், 7-ல் சனியும் இருப்பதால் மக்களாலும், வாழ்க்கைத்துணைவராலும் சிறுசிறு இடர்ப்பாடுகள் அவ்வபபோது ஏற்படும். பக்குவமாகச் சமாளிப்பது நல்லது. 2-ஆம் தேதி முதல் சனி வக்கிர நிவர்த்தி பெறுவதால் வாழ்வில் முன்னேற்றம் காண் நல்ல வாய்ப்புக்கள் கூடிவரும். நண்பர்கள், கூட்டாளிகளால் அனுகூலம் ஏற்படும்.

4-ஆம் தேதி முதல் புதன் 4-ஆமிடம் மாறுவதால் வியாபாரிகளுக்கு வெளிச்சமான சூழ்நிலை உருவாகும். மாணவர்களது நிலை உயரும். 13-ஆம் தேதி முதல் சுக்கிரன் 3-ஆமிடம் மாறுவது கலைத்துறையினருக்கு வெற்றி வாய்ப்புக்களக் கூட்டும். என்றாலும் எதிர்ப்புக்களும் இருக்கும். 17-ஆம் தேதி முதல் சூரியன் 4-ஆமிடம் மாறுவதால் புதிய சொத்துக்கள் சேரும். பதவி, பட்டங்கள் கிடைக்கும். அரசியல் ஈடுபாடு ஆக்கம் தரும். 23-ஆம் தேதி முதல் புதன் 5-ஆமிடம் மாறுவதால் அதிர்ஷ்ட வாய்ப்புக்கள் அதிகமாகும். கற்பனை ஆற்றல் கூடும். மக்களால் நலம் உண்டாகும். வியாபார யுக்தி தெரியவரும். புதிய வழிமுறைகளைக் கையாள்வீர்கள். அதில் வெற்றியும் பெறுவீர்கள்.

கிருத்திகை, மிருகசீரிஷ நட்சத்திரக்காரர்களுக்கு அனுகூலமான மாதமிது.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 17, 20, 21, 27, 31 (பிற்பகல்).

திசைகள்: தென்கிழக்கு, கிழக்கு, தெற்கு, வடமேற்கு.

எண்கள்: 1, 6, 7, 9.

—————-

மிதுனம்:

உங்கள் ராசிக்கு 2-ல் புதனும் 3-ல் சுக்கிரனும் 6-ல் சனியும் 10-ல் கேதுவும உலவுவதால் வியாபாரம் பெருகும். நண்பர்களாலும், உறவினர்களாலும் நலம் பெருகும். எதிர்ப்புக்கள் குறையும். ஜலப்பொருட்களால் ஆதாயம் கிடைக்கும். கலைத்துறையினருக்கு வரவேற்பு கூடும். உடன்பிறந்தவர்கள் உதவுவார்கள். 2-ஆம் தேதி முதல்  பொதுநலப்பணியாளர்களுக்கு வரவேற்பு கூடும். தொழிலாலர்களுக்கும் விவசாயிகளுக்கும் முன்னேற்றமான சூழ்நிலை நிலவிவரும்.

போட்டிகளில் வெற்றி கிட்டும். ஆன்மிகத்தில் ஈடுபாடு அதிகரிக்கும். 2-ஆம் தேதி முதல் சனி வக்கிர நிவர்த்தி பெறுவதால் வெற்றி வாய்ப்புக்கள் அதிகரிக்கும். வழக்கில் வெற்றி கிடைக்கும். எதிரிகளின் கரம் வலுக்குறையும். சூரியனும் செவ்வாயும் 2-ல் இருப்பதால் பேச்சில் சூடான வார்த்தைகளை உதிர்க்கலாகாது. வீண்வம்பு வேண்டாம்.
4-ல் ராகு இருப்பதால் அலைச்சல் அதிகரிக்கவே செய்யும். குடும்பத்தில் சலசலப்புக்கள் ஏற்படும். தாய் நலனிஒல் அக்கறை தேவைப்படும்.

4-ஆம் தேதி முதல் புதன் 3-ஆமிடம் மாறுவது சிறப்பாகாது. வியாபாரத்தில் அதிக கவனம் தேவை. 13-ஆம் தேதி முதல் சுக்கிரன் 2-ஆமிடம் மாறுவதால் பண நடமாட்டம் சற்று அதிகரிக்கும். 17-ஆம் தேதி முதல் சூரியன் 3-ஆமிடம் மாறுவதால் நிர்வாகத்திறமை கூடும். அரசு விவகாரங்கள் ஆக்கம் தரும். முக்கியப் பதவிகளும் பொறுப்புக்களும் சிலருக்கு கிடைக்கும். 23-ஆம் தேதி முதல் புதன் 4-ஆமிடம் மாறி, பலம் கூடப் பெறுவதால் கணிதம், விஞ்ஞானம், எழுத்து, பத்திரிகை போன்ற இனங்கள் ஆக்கம் தரும்.

மிருகசீரிஷம், புனர்பூச நட்சத்திரக்காரர்களுக்கு சிறப்பான மாதமிது.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 17, 20, 21, 25, 31 (பிற்பகல்).

திசைகள்: மேற்கு, தென்கிழக்கு, வடமேற்கு.

எண்கள்: 6, 7, 8.

————————

கடகம்:

உங்கள் ராசிக்கு 2-ல் குருவும் சுக்கிரனும் 3-ல் ராகுவும் உலவுவதால் பேச்சில் திறமையும் இனிமையும் கூடும். மனத்தில் தெளிவும் தன்னம்பிக்கையும் பிறக்கும். முக்கியமான எண்ணங்கள் ஈடேறும். குடும்பத்தில் சுப காரியங்கள் நிகழும்.  பண வரவு அதிகரிக்கும். ஒன்றுக்கு மேற்பட்ட இனங்களால் வருவாய் கிடைக்கும். வெளியூர், வெளிநாட்டுத் தொடர்புகள் ஆக்கம் தரும். புதிய சொத்துக்களும் பொருட்களும் சேரும். கலைஞர்களுக்கு நல்ல வாய்ப்புக்கள் கூடிவரும். வண்டி, வாகனங்கலாள் ஆதாயம் கிடைக்கும

ஜன்ம ராசியில் செவ்வாய், புதன் சூரியன் ஆகியோர் இருப்பதால் உடல் நலனில் கவனம் தேவை. உஷ்ணாதிக்கத்தைக் குறைத்துக் கொள்ளவும்  2-ஆம் தேதி முதல் சனி வக்கிர நிவர்த்தி பெறுவதால் ஓரிரு எண்ணங்கள் நிறைவேறும். 4-ஆம் தேதி முதல் புதன் 2-ஆமிடம் மாறுவதால் குடும்ப நலம் சிறக்கும். வியாபாரம் பெருகும். எழுத்து, பத்திரிகை போன்ற இனங்கள் ஆக்கம் தரும். கேது 9-ல் இருப்பதால் தந்தை நலம் கவனிக்கப்பட வேண்டிவரும். 13-ஆம் தேதி முதல் சுக்கிரன் உங்கள் ஜன்ம ராசிக்கு மாறுவதால் புதிய பொருட்களின் சேர்க்கை நிகழும்.

17-ஆம் தேதி முதல் சூரியன் 2-ஆமிடம் மாறி குருவுடன் இணைவதால் ஏராளமான பணவரவு உண்டாகும். உயர் பதவிகளும் பொறுப்புக்களும் தேடிவரும். .அரசு உதவி கிடைக்கும். நிறுவன, நிர்வாகத்துறையினருக்கு அனுகூலமான போக்கு தென்படும். பேச்சின் மூலம் நலம் உண்டாகும். 23-ஆம் தேதி முதல் புதன் 3-ஆமிடம் மாறினாலும் தன் சொந்த வீட்டில் பலம் பெறுவதால் தகவல் தொடர்பு இனங்கள் ஆக்கம் தரும். போட்டிகளில் வெற்றி கிடைக்கும். உடன்பிறந்தவர்களின் நலனுக்காக சுபச் செலவு செய்வீர்கள்.

புனர்பூசம், ஆயில்ய நட்சத்திரக்காரர்களுக்கு சுபபலன்கள் கூடும் மாதமிது.

அதிர்ஷ்டத் தேதிகள்: ஆகஸ்ட் 6, 9, 10, 12, 17, 20, 21, 25, 27, 31 (பிற்பகல்).

திசைகள்: தென்மேற்கு, தென்கிழக்கு.

எண்கள்: 3, 4, 6.

——————

சிம்மம்:

மோசாரப்படி பெரும்பாலான கிரகங்கள் அனுகூலமாக இல்லாததால் எதிலும் ஒருமுறைக்குப் பலமுறை யோசித்து ஈடுபடுவது நல்லது. வீண்வம்பு, வழக்குகளைத் தவிர்ப்பது அவசியமாகும். பேச்சிலும் செயலிலும் நிதானம் தேவை. உணவுப் பழக்கத்தில் கட்டுப்பாடு அவசியமாகும். விஷத்தாலும் விஷ ஜந்துக்களாலும் ஆபத்து ஏற்படும்; எச்சரிக்கை தேவை. சுகம் குறையும். மனத்தில் சலனம் ஏற்படும். வேற்று மொழி, மத, இனக்காரர்களால் தொல்லைகள் சூழும்.வெளிநாட்டுத் தொடர்புடன் தொழில் செய்பவர்களுக்கு பிரச்னைகள் அதிகரிக்கும். பக்குவம் தேவை.

உஷ்ணாதிக்கத்தைக் குறைத்துக் கொள்வது நல்லது. வியாபாரத்தில் அதிக கவனம் செலுத்தினால் நஷ்டத்துக்கு ஆளாகாமல் தப்பலாம். 2-ஆம் தேதி முதல் சனி வக்கிர நிவர்த்தி பெற்று 4-ல் நேர்கதியில் உலவுவதும் சிறப்பாகாது. மார்பு, இதயம் சம்பந்தமான உபாதைகள் உள்ளவர்கள் விழிப்புடன் செயல்படுவது அவசியமாகும். கெட்டவர்களின் தொடர்பு அடியோடு கூடாது. 4-ஆம் தேதி முதல் புதன் ஜன்ம ராசிக்கு இடம் மாறுவதும் சிறப்பாகாது. 13-ஆம் தேதி முதல் சுக்கிரன் 12-ஆமிடம் மாறுவதால் சுபச் செலவுகள் ஏற்படும்.

17-ஆம் தேதி முதல் சூரியன் ஜன்ம ராசிக்கு இடம் மாறுவதால் மதிப்பு உயரும். அரசியல் ஈடுபாடு ஆக்கம் தரும். நிர்வாகத்திறமை கூடும். 23-ஆம் தேதி முதல் புதன் 2-ஆமிடம் மாறுவதால் வியாபாரத்தில் வளர்ச்சி காணலாம். கணிதம், எழுத்து, பத்திரிகை, சிற்பம், ஓவியம், தரகு, கமிஷண் ஏஜன்ஸி போன்ற இனங்களால் வருமானம் கிடைக்கும். குடும்ப நலம் சீராகும். பல வழிகளில் லாபம் கிடைக்கும். வியாபார நுணுக்கம் தெரியவரும். நூதன கண்டுபிடிப்புக்களின் மூலம் பெயரும் புகழும் கிடைக்கும். சமய சந்தர்ப்பத்துக்கு ஏற்ப பேச்சு அமையும். கணவன் மனைவி உறவு நிலை சீராகும். கூட்டுத் தொழிலில் அபிவிருத்தி காணலாம்.

பூர, உத்திர  நட்சத்திரக்காரர்களுக்கு ஓரளவு நன்மைகள் உண்டாகும். மக நட்சத்திரக்காரர்களுக்கு சோதனையான மாதமிது.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 17, 20, 21, 25, 27.

திசை: தென்கிழக்கு.

எண்: 6.

—————————–

கன்னி:

உங்கள் ஜன்ம ராசிக்கு 3-ல் சனியும் 11-ல் சூரியனும் செவ்வாயும் புதனும் 12-ல் சுக்கிரனும் உலவுவது சிறப்பாகும்.

வெற்றி வாய்ப்புக்கள் அதிகரிக்கும். பொது நலப்பணிகளில் ஈடுபாடு கூடும். தொழிலாளர்களது நிலை உயரும். விவசாயிகளுக்கு மகசூல் கூடும். ஆதாயமும் கிடைக்கும். ஆலைகள், தோட்டங்கள், சுரங்கங்கள் ஆகிவற்றில் தொழில் புரிபவர்கள் வளர்ச்சி காண்பார்கள். அரசியல் ஈடுபாடு ஆக்கம் தரும். நிர்வாகம், நிறுவனம், எலெக்ட் ரானிக், கம்ப்யூட்டர் போன்ற இனங்களைச் சேர்ந்தவர்களுக்குச் செழிப்பான சூழ்நிலை நிலவிவரும்.

பொறியியல், சட்டம், காவல், இராணுவம் போன்ற துறைகளைச் சேர்ந்தவர்கள் வளர்ச்சி காண்பார்கள். கணிதம், எழுத்து, பத்திரிகை போன்ற இனங்கள் லாபம் தரும். சுபச் செலவுகள் அதிகரிக்கும். நல்ல இடத்துக்கு மாற்றம் கிடைக்கும். வாழ்க்கை வசதிகளைப் பெருக்கிக் கொள்ளச் சந்தர்ப்பம் உருவாகும். 2-ஆம் தேதி முதல் சனி வக்கிர நிவர்த்தி பெறுவது சிறப்பாகும். துணிச்சலான காரியங்களில் ஈடுபாடு கூடும். போட்டிப் பந்தயங்களில் வெற்றி கிடைக்கும். உடன்பிறந்தவர்கள் உதவி புரிவார்கள்.

4-ஆம் தேதி முதல் புதன் 12-ஆமிடம் மாறுவதால் வியாபாரிகளுக்கு நஷ்டம் ஏற்படும்; எச்சரிக்கை தேவை. செய்து வரும் தொழிலில் அதிக கவனம் செலுத்துவதன் மூலம் பிரச்னைகளைக் குறைத்துக் கொள்ளலாம். 13-ஆம் தேதி முதல் சுக்கிரன் 11-ஆமிடம் மாறுவதால் கலைஞர்களுக்கு நல்ல வாய்ப்புக்கள் கூடிவரும். 17-ஆம் தேதி முதல் சூரியன் 12-ஆமிடம் மாறுவதால் அரசாங்கத்தாராலும் தந்தையாலும் மக்களாலும் சங்கடங்கள் ஏற்படும். இடமாற்றமும் நிலைமாற்றமும் ஏற்படும். 23-ஆம் தேதி முதல் புதன் ஜன்ம ராசிக்கு இடம் மாறினாலும் பலம் பெறுவதால் நலம் புரிவார். தொஇல் வர்த்தகம் வியாபாரம் ஆகியவற்றில் வளர்ச்சி காண வழிபிறக்கும். கணிதம், விஞ்ஞானம், எழுத்து, பத்திரிகை போன்ற இனங்கள் ஆக்கம் தரும்.

உத்திரம், சித்திரை நட்சத்திரக்காரர்களுக்கு சுப பலன்கள் சற்று கூடும்,

அதிர்ஷ்டத் தேதிகள்: ஆகஸ்ட் 2, 9, 10, 12, 17, 20, 21, 25, 27, 31 (பிற்பகல்).

திசைகள்: வடக்கு, மேற்கு, தென்கிழக்கு.

எண்கள்: 1, 5, 6, 8, 9.

——————————–

துலாம்:

உங்கள் ராசிக்கு 6-ல் கேதுவும் 10-ல் சூரியனும் செவ்வாயும் புதனும், 11-ல் குருவும் சுக்கிரனும் உலவுவது சிறப்பாகும்.
துணிச்சலான காரியங்களில் ஈடுபாடு கூடும். தெய்வப் பணிகள் இப்போது நிறைவேறும். அரசியல் ஈடுபாடு ஆக்கம் தரும். பதவி உயர்வு, இடமாற்றம், ஊதிய உயர்வு ஆகியவை கிடைக்கும். முக்கியஸ்தர்கள் உங்களுக்கு உதவி புரிவார்கள். பொருளாதார நிலை உயரும். திடீர் அதிர்ஷ்ட வாய்ப்புக்களும் கூடிவரும். ஜலப்பொருட்கள் லாபம் தரும். கடல் சார்ந்த தொழிலில் அபிவிருத்தி காணலாம்.

காடு, மலை, வனாந்தரங்களில் தொழில் புரிபவர்களுக்கு அனுகூலமான போக்கு தென்படும். ஒன்றுக்கு மேற்பட்ட இனங்களால் வருவாய் கிடைக்கும். உடன்பிறந்தவர்கள் உதவுவார்கள். தந்தையால் அனுகூலம் ஏற்படும். பிதுரார்ஜிதச் சொத்துக்களும் பொருட்களும் கிடைக்கும். வியாபாரத்தில் வளர்ச்சி காண வழிபிறக்கும். எழுத்தாளர்களுக்கும் பத்திரிகையாளர்களுக்கும் வரவேற்பு கூடும். கலைஞர்களுக்குப் புதிய ஒப்பந்தங்கள் கையெழுத்தாகும். எதிரிகள் அடங்குவார்கள். மன உற்சாகம் பெருகும்.

பெண்களாலும், வாழ்க்கைத்துணைவியாலும் அனுகூலம் ஏற்படும். 12-ல் ராகு இருப்பதால் எதிர்பாராத செலவுகளும் இழப்புக்களும் ஏற்படும். பயணத்தின்போது விழிப்புடன் இருப்பது நல்லது. கனவு தொல்லை தரும். 2-ஆம் தேதி முதல் சனி வக்கிர நிவர்த்தி பெற்று நேர்கதியில் உலவுவதால் நலம் உண்டாகும். 4-ஆம் தேதி முதல் புதன் 11-ஆமிடம் மாறுவதால் பல வழிகளில் ஆதாயம் கிடைக்கும். 13-ஆம் தேதி முதல் சுக்கிரன் 10-ஆமிடம் மாறுவது சிறப்பாகாது. தொழில் ரீதியாகச் சில இடர்ப்பாடுகள் ஏற்பட்டு விலகும். 17-ஆம் தேதி முதல் சூரியன் 11-ஆமிடம் மாறுவதால் ஆதாயம் கூடும். அரசுப்பணிகள் நிறைவேறும். புதிய பொறுப்புக்கள் கிடைக்கும். 23-ஆம் தேதி முதல் புதன் 12-ஆமிடம் மாறுவதால் நற்காரியங்களுக்காகச் செலவு செய்ய வேண்டிவரும். வெளிநாடு செல்ல வாய்ப்புக் கூடிவரும்.

சித்திரை, விசாகம் நட்சத்திரக்காரர்களுக்கு விசேடமான நற்பலன்கள் உண்டாகும்.

அதிர்ஷ்டத் தேதிகள்: ஆகஸ்ட் 2, 6, 10, 12, 17, 20, 21, 25, 27, 31 (பிற்பகல்).

திசைகள்: கிழக்கு, வடக்கு, தெற்கு, வடமேற்கு, வடகிழக்கு, தென்கிழக்கு.. .

எண்கள்: 1, 3, 5, 6, 7, 9.

————————————————-

விருச்சிகம்:

உங்கள் ராசிக்கு 11-ஆமிடத்தில் ராகு உலவுவது சிறப்பாகும். புதியவர்களின் தொடர்பு பயன்படும். பயணத்தின் மூலம் முக்கியமான எண்ணங்கள் ஈடேறும். தோல்பொருட்கள், போக்குவரத்துச் சாதனங்கள், ஏற்றுமதி-இறக்குமதி இனங்களால் ஆதாயம் கிடைத்துவரும். ஆராய்ச்சியாளர்களுக்கு மதிப்பு உயரும். 2-ஆம், தேதி முதல் சனி வக்கிர நிவர்த்தி பெற்றாலும் சங்கடங்களே உண்டாகும். சனிப் பிரீதி தொடர்ந்து செய்துவருவது நல்லது. 4-ஆம் தேதி முதல் புதன் 10-ஆமிடம் மாறுவதால் வியாபாரிகளுக்கு லாபம் கூடும்.

13-ஆம் தேதி முதல் சுக்கிரன் 9-ஆமிடம் மாறுவதால் கலைஞர்களுக்கு முன்னேற்றமான சூழ்நிலை உருவாகும். கணவன் மனைவி உறவு நிலை சீராகும். தொலைதூரத் தொடர்பு பயன்படும். 17-ஆம் தேதி முதல் சூரியன் 10-ஆமிடம் மாறுவது விசேடமாகும். தொழில் ஸ்திரப்படும். நிறுவன, நிர்வாகத்துறையினருக்குச் செழிப்பான சூழ்நிலை உருவாகும். பண வரவு கூடும். மதிப்பும் அந்தஸ்தும் உயரும். பிரச்னைகள் குறையும். பதவி உயர்வு, இடமாற்றம், ஊதிய உயர்வு ஆகியவற்றைப் பெறச் சந்தர்ப்பம் கூடிவரும்.

அரசுப்பணிக்ளில் ஈடுபாடு உள்ளவர்களுக்கு முன்னேற்றமான பாதை புலப்படும். ஆன்மிகத்தில் ஈடுபாடு அதிகரிக்கும். 23-ஆம் தேதி முதல் புதன் 11-ஆமிடம் மாறி வலுப்பெறுவதால் எழுத்தாளர்களுக்குப் பத்திரிகையாளர்களுக்கும் வரவேற்பு அதிகரிக்கும். புதிய கருத்துக்களை வெளியிட்டு நற்பெயரும் புக்ழும் பெறமுடியும். புதன் ராகுவுடன் கூடுவதால் ஆராய்ச்சித்துறைகளில் ஈடுபாடு உள்ளவர்களுக்கு வளர்ச்சி தெரியவரும். பயணத்தால் அனுகூலம் உண்டாகும். வியாபாரம் பெருகும். 5-ல் கேதுவும் 10-ல் குருவும் இருப்பதால் மக்களால் மன அமைதி குறையும். உடன்பிறந்தவர்களின் உடல்நலனில் கவனம் தேவை. த்யானம், யோகா ஆகியவற்றில் ஈடுபாடு உள்ளவர்களுக்கு தெளிவு பிறக்கும்.

விசாகம், கேட்டை நட்சத்திரக்காரர்களுக்கு சுபபலன்கள் கூடும் மாதமிது.

அதிர்ஷ்டத் தேதிகள்: ஆகஸ்ட் 2, 6, 9, 17, 20, 21, 25, 27, 31 (பிற்பகல்).

திசைகள்: கிழக்கு, தென்மேற்கு, தென்கிழக்கு. .

எண்கள்: 1, 4, 5, 6.

——————————————————

தனுசு:

உங்கள் ராசிக்கு 8-ல் புதனும் 9-ல் குருவும் சுக்கிரனும் 10-ல் ராகுவும்  உலவுவதால் மதிப்பும் அந்தஸ்தும் உயரும்.

வியாபாரம் பெருகும். ஜலப்பொருட்களால் லாபம் கிடைக்கும். தெய்வப் பிரார்த்தனைகள் நிறைவேறும். மருத்துவம், இரசாயனம், விஞ்ஞானம், ஆன்மிகம் போன்ற துறைகளைச் சேர்ந்தவர்கள் வளர்ச்சி காண்பார்கள். புதிய சொத்துக்களும் பொருட்களும் சேரும். கலைஞர்கள் வெற்றிப்படிகளில் ஏறுவார்கள். பொருளாதார நிலை உயரும். திடீர் அதிர்ஷ்ட வாய்ப்புக்கள் கூடிவரும். மக்களாலும் வாழ்க்கைத்துணைவராலும் அனுகூலம் ஏற்படும்.

வெளிநாட்டுத் தொடர்புடன் செய்யும் தொழில் விருத்தி அடையும். பயணத்தின் மூலம் அனுகூலம் ஏற்படும். 4-ல் கேது இருப்பதால் அலைச்சல் கூடும். தாய் நலம் கவனிக்கப்பட வேண்டிவரும். சொத்துக்கள் சம்பந்தமான பிரச்னைகள் ஏற்படும். உடன்பிறந்தவர்களது நலனில் கவனம் தேவை. 2-ஆம் தேதி முதல் சனி வக்கிர நிவர்த்தி பெற்றாலும் வீண் செலவுகளும் இழப்புக்களும் ஏற்படும். இடமாற்றமும், நிலைமாற்றமும் ஏற்படும். குடும்பத்தை விட்டுச் சிலர் பிரிந்திருக்க வேண்டிவரும்.

4-ஆம் தேதி முதல் பதன் 9-ஆமிடம் மாறுவதால் புனிதமான காரியங்களில் ஈடுபாடு கூடும். 13-ஆம் தேதி முதல் சுக்கிரன் 8-ஆமிடம் மாறுவதால் திடீர் அதிர்ஷ்ட வாய்ப்புக்கள் கூடிவரும். 17-ஆம் தேதி முதல் சூரியன் 9-ஆமிடம் மாறினாலும் தன் சொந்த ராசியில் குருவோடும் புதனோடும் சேருவதால் தெய்வ தரிசனமும் சாது தரிசனமும் கிடைக்கும். தொலைதூரத் தொடர்பு பயன்படும். 23-ஆம் தேதி முதல் புதன் 10-ஆமிடம் மாறுவதால் வேலையில்லாதவர்களுக்குத் தகுந்ததொரு வாய்ப்புக் கிடைக்கும். பதவி உயர்வு, இடமாற்றம், ஊதிய உயர்வு ஆகியவற்றைப் பெறச் சந்தர்ப்பம் உருவாகும். தாய் மாமன் மூலம் அனுகூலம் ஏற்படும்.

பூராடம் உத்திராடம்  நட்சத்திரக்காரர்களுக்கு நற்பலன்கள் அதிகம் உண்டாகும்.

அதிர்ஷ்டத் தேதிகள்: ஆகஸ்ட் 2, 6, 9, 10, 12 (முற்பகல்), 17, 20, 21, 25, 27, 31 (பிற்பகல்).

திசைகள்: தென்மேற்கு, வடக்கு, வடகிழக்கு, தென்கிழக்கு. .

எண்கள்: 3, 4, 5, 6.

——————————————-

மகரம்:

உங்கள் ராசிக்கு அதிபதி சனி 11-ல் இருப்பது விசேடமாகும். 3-ல் உள்ள கேதுவும், 8-ல் சஞ்சரிக்கும் சுக்கிரனும் கூட நலம் புரிவார்கள். மதிப்பும் அந்தஸ்தும் உயரும். வாழ்க்கை வசதிகள் பெருகும். பொதுநலப்பணிகளில் ஆற்வம் கூடும். தொழிலாளர்கள்து கோரிக்கைகள் சில இப்போது நிறைவேறும். எண்ணெய் வகையறாக்கள், கச்சாப் பொருடட்கள். சுரங்கப் பொருட்கள் ஆகியவை லாபம் தரும். பொருள்சாதார நிலை சீராகவே இருந்துவரும். உழைப்பு வீண்போகாது. கறுப்பு நிறமுள்ளவரால் உங்களுக்கு அனுகூலம் ஏற்படும்.

மனத்தில் துணிவு பிறக்கும். பக்தி மார்க்கத்தில் ஈடுபாடு கூடும். கலைத்துறையினருக்கு எதிர்ப்புக்களுக்கிடையேயும் வளர்ச்சி காண வழிபிறக்கும். 2-ஆம் தேதி முதல் சனி வக்கிர நிவர்த்தி பெறுவதால் விசேடமான நன்மைகள் உண்டாகும்., ஏராளமான பொருள் வந்து சேரும். அதிர்ஷ்ட வாய்ப்புக்கள் கூடிவரும். பல வழிகளில் ஆதாயம் கிடைக்கும். சனி கொடுத்தால் யார் தடுப்பார் என்பார்கள். சனி கொடுக்கும் நேரம் இது. 4-ஆம் தேதி முதல் புதன் 8-ஆமிடம் மாறுவதால் வியாபாரம், கணிதம், எழுத்து, பத்திரிகை போன்ற துறைகள் ஆக்கம் தரும்.

எதிர்பாராத பொருட்சேர்க்கை நிகழும். 13-ஆம் தேதி முதல் சுக்கிரன் வக்கிரமான 7-ஆமிடத்தில் செவ்வாயுடன் கூடுவதால் கணவன் மனைவி உறவு நிலை பாதிக்கும். சகிப்புத் தன்மை தேவை. 17-ஆம் தேதி முதல் சூரியன் 8-ஆமிடம் மாறுவதால் தந்தை நலனில் கவனம் தேவை. அரசு விவகாரங்களில் விழிப்புடன் ஈடுபடுவது நல்லது. உஷ்ணாதிக்கத்தால் உடல் நலம் பாதிக்கும். 23-ஆம் தேதி முதல் புதன் 9-ஆமிடம் மாறுவதால் புனிதமான காரியங்களில் ஈடுபாடு உண்டாகும். தொலைதூரத்திலிருந்து நல்ல தகவல் கிடைக்கும்.

உத்திராடம், அவிட்டம் நட்சத்திரக்காரர்களுக்கு சுபபலன்கள் கூடும்.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 20, 21, 25, 27, 31 (பிற்பகல்).

திசைகள்: மேற்கு, வடமேற்கு.

எண்கள்: 6, 7, 8.

——————————-

கும்பம்:

உங்கள் ஜன்ம ராசிக்கு 6ல் சூரியன், செவ்வாய், புதன் ஆகியோரும் 7-ல் குருவும் 10-ல் சனியும் உலவுவது சிறப்பாகும். அர்சு சம்பந்தமான காரியங்கள் இப்போது நிறைவேறும். முக்கியஸ்தர்கள் உங்களுக்கு உதவுவார்கள். நிர்வாகத்திறமை பளிச்சிடும். காரியத்தில் வெற்றி கிடைக்கும். புதிய முயற்சிகள் கைகூடும். வியாபாரத்தில் வளர்ச்சி கான வழிபிறக்கும். நல்லவர்கள் உங்க்ளுக்குப் பக்கபலமாக இருப்பார்கள். நற்பணிகளில் ஈடுபாடு உண்டாகும். திருமணம் போன்ற சுப காரியங்கள் நிகழ வாய்ப்புக் கூடிவரும்.

கணவன் மனைவி உறவு நிலை திருப்தி தரும். கூட்டாளிகளால் நலம் உண்டாகும். பண வரவு அதிகரிக்கும். 2-ஆம் தேதி முதல் சனி வக்கிர நிவர்த்தி பெறுவதால் தொழில் வளர்ச்சி பெறும். வேலையில்லாதவர்களுக்கு நல்லதொரு வாய்ப்புக் கூடிவரும். தொழிலில் இடமாற்றமும் சிலருக்கு இப்போது கிடைக்கும். 4-ஆம் தேதி முதல் புதன் 7-ஆமிடம் மாறுவது சிறப்பாகாது. வியாபாரிகள் விழிப்புடன் செயல்படுவது நல்லது. 13-ஆம் தேதி முதல் சுக்கிரன் 6-ஆமிடம் மாறுவதால் கலைஞர்களுக்கும் மாதர்களுக்கும் பிரச்னைகள் சூழும்.

17-ஆம் தேதி முதல் சூரியன் 7-ஆமிடம் மாறுவதும் குறை ஆகும். வாழ்க்கைத்துணைவரின் நலனில் கவனம் தேவைப்படும். கணவன் மனைவி இடையே கருத்துஇ வேறுபாடுகள் ஏற்படும். விட்டுக் கொடுத்துப் பழகிவருவது நல்லது. பெண்களால் பிரச்னைகள் சூழும். 23-ஆம் தேதி முதல் புதன் 8-ஆமிடம் மாறி வலுப்பெறுவதால் வியாபாரிகளுக்கு லாபம் கூடும். திடீர் அதிர்ஷ்ட வாய்ப்புக்கள் கூடிவரும். கணிதம், எழுத்து, பத்திரிகை போன்ற இனங்கள் லாபம் தரும். மாணவர்களது நிலை உயரும். தரகர்களுக்கு கமிஷன் அதிகரிக்கும்.

அவிட்டம், பூரட்டாதி நட்சத்திரக்காரர்களுக்கு சுப பலன்கள் கூடும் மாதமிது.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 20, 21, 25, 27, 31 (பிற்பகல்).

திசைகள்: வடக்கு, மேற்கு, வடகிழக்கு.

எண்கள்: 1, 3, 5, 8, 9.

———————————

மீனம்:

கோசாரப்படி கிரகநிலை சிறப்பாக இல்லாததால் விசேடமான நன்மைகளை இந்த நேரத்தில் எதிர்பார்க்க இயலாது. மதிப்புக்கும் அந்தஸ்துக்கும் குறை ஏற்படும். உடல் நலம் பாதிக்கும். மனத்தில் ஏதேனும் சலனம் இருந்துவரும். குடும்பத்தில் நிம்மதி குறையும். பொருள்வரவு சீராக இராது. தேவைகளைச் சமாளிக்கக கடன்பட வேண்டிவரும். பெரியவர்களின் அதிருப்திக்கு ஆளால வேண்டிய சூழ்நிலை ஏற்படும். எண்ணங்கள் ஈடேற அரும்பாடுபட வேண்டிவரும். எதிலும் முழுமையான வெற்றி இராது.

மக்களால் மன அமைதி குறையும். பயணத்தால் சங்கடம் உண்டாகும். வயிறு சம்ப்ந்தமான உபாதைகள் ஏற்படும்.
உத்தியோகஸ்தர்களுக்கும் தொழிலாளர்களுக்கும் முன்னேற்றக் காணத் தடைகளும் குறுக்கீடுகளும் ஏற்படும். வேற்று மொழி, மத, இனக்காரர்களிடம் எச்சரிக்கையுடன் இருப்பது நல்லது. கோபம் அதிகரிக்கும்; கட்டுப்படுத்திக் கொள்ளவும். பொருள் கொடுக்கல்-வாங்கலில் எச்சரிக்கை தேவை. பெண்களால் பிரச்னைகள் சூழும். கணவன் மனைவி உறவு நிலை சீராக இராது. விட்டுக் கொடுத்துப் போவது நல்லது.

2-ஆம் தேதி முதல் சனி வக்கிர நிவர்த்தி பெறுவதால் ஓரளவு நலம் உண்டாகும். 4-ஆம் தேதி முதல் புதன் 6-ஆமிடம் மாறுவதால் வியாபாரிகளுக்க் ஓரளவு லாபம் கூடும். 13-ஆம் தேதி முதல் சுக்கிரன் 5-ஆமிடம் மாறுவதால் கலைஞர்களுக்கு வரவேற்பு கூடும். மாதர்களது நலம் சிறக்கும். 17-ஆம் தேதி முதல் சூரியன் பலம் பெறுவதால் அரசு சம்பந்தமான காரியங்கள் நிறைவேறும். தந்தையால் அனுகூலம் உண்டாகும். எதிர்ப்புக்கள் குறையும். புதிய பதவி, பட்டங்கள் சிலருக்கு கிடைக்கும். சிவ வழிபாடு நலம் கூட்டும். 23-ஆம் தேதி முதல் புதன் 7-ஆமிடம் மாறுவது சிறப்பாகாது. சிறுசிறு இடர்ப்பாடுகள் அவ்வப்போது ஏற்படும்.

பூரட்டாதி, ரேவதி நட்சத்திரக்காரர்களுக்கு சுபபலன்கள் கூடும்.

அதிர்ஷ்டத் தேதிகள்: ஆகஸ்ட் 2, 6, 9, 10, 12, 17, 25, 27, 31 (பிற்பகல்).

திசைகள்: தெற்கு, வடமேற்கு

எண்கள்: 2, 9.

vikatan.com

ஐ.தே.கவின் அலுவலகம் மீது தாக்குதல்

ஐக்கிய தேசியக் கட்சியின் யாழ். மாவட்ட வேட்பாளர் வைத்தியகலாநிதி சிவசங்கரின் அலுவலகம் இனம் தெரியாதோரால் தாக்கப்பட்டதாக பொலிஸ் நிலையத்தில் முறைப்பாடு செய்யப்பட்டுள்ளது.

இந்த தாக்குதல் சம்பவம் இன்று ஞாயிற்றுக்கிழமை அதிகாலை இடம்பெற்றுள்ளது
. இந்தத் தாக்குதலை நடத்தியவர்கள், அலுவலகத்தின் முன்பாக இருந்த வேட்பாளரின் பெயர்ப் பலகையின் ஒரு பகுதியை எரித்து, பின் அதனைத் தூக்கிச் சென்றதுடன், வேலியில் இருந்த தகரங்களை கழற்றி எறிந்து, அலுவலகத்தில் இருந்த மின்குமிழ்களையும் அடித்து நொறுக்கிச் சென்றுள்ளனர் எனத் தெரிவிக்கப்படுகின்றது.
இந்த சம்பவம் குறித்து சுன்னாகம் பொலிஸார் விசாரணைகளை மேற்கொண்டு வருகின்றனர்

மியன்மாரில் வெள்ளம் : 27 பேர் பலி!!


மியன்மாரில் ஏற்பட்ட கடும் வெள்ளப் பெருக்கின் காரணமாக 27 பேர் உயிரிழந்துள்ளதாக சர்வதேக ஊடகங்கள் செய்தி வெளியிட்டுள்ளன.
குறித்த அனர்த்தத்தினால் பாரிய அளவிலான பொருட்சேதங்களும் ஏற்பட்டுள்ளதாக தெரிவிக்கப்படுகின்றது.குறித்த வெள்ளப் பெருக்கில் சுமார் ஒரு இலட்சத்திற்கும் அதிகமான மக்கள் பாதிக்கப்பட்டுள்ளமை குறிப்பிடத்தக்கது.
மியன்மாரில் 14 மாகாணங்களில் ஒரு மாகாணத்தை தவிர ஏனைய மாகாணங்கள் அனைத்தும் ஏதோ ஒரு வகையில் வெள்ளத்தினால் பாதிக்கப்பட்டுள்ளதாகவும் 5 இலட்சம் ஏக்கருக்கும் மேற்பட்ட நெற்பயிர்ச் செய்கைகள் நீரில் முழ்கியுள்ளதாகவும் தெரிவிக்கப்படுகின்றன.

லொரி விபத்தால் ரயில் சேவை பாதிப்பு – 20 பேர் காயம்!!

கம்பளை மற்றும் கேலிஓயவுக்கு இடையிலான பகுதியில் வீதியை விட்டு விலகிய லொரி ஒன்று ரயில் பாதையில் விழுந்து  விபத்துக்குள்ளாகியுள்ளது.இன்று காலை 10.00 மணியளவில் இந்த விபத்து ஏற்பட்டுள்ளதாக பொலிஸ் ஊடகப் பேச்சாளர் அலுவலகம் குறிப்பிட்டுள்ளது.
மேலும் இந்த விபத்தில் லொரியில் சென்ற 20 பேர் காயமடைந்த நிலையில் கம்பளை வைத்தியசாலையில் அனுமதிக்கப்பட்டுள்ளனர்.அத்துடன் ஆபத்தான நிலையில் இருந்த சிறு குழந்தையொன்று உள்ளிட்ட இருவர் மேலதிக சிகிச்சைகளுக்காக பேராதனை வைத்தியசாலைக்கு மாற்றப்பட்டுள்ளதாக பொலிஸார் சுட்டிக்காட்டியுள்ளனர்.
யாத்திரை ஒன்றின் நிமித்தம் சென்ற குழுவினரே இவ்வாறு விபத்துக்கு முகம்கொடுத்துள்ளதோடு சாரதிக்கு ஏற்பட்ட தூக்கக் கலக்கமே இதற்குக் காரணம் எனவும் பொலிஸாரின் விசாரணைகளில் இருந்து தெரியவந்துள்ளது.இதேவேளை இந்த விபத்தினால் மலையகப் பகுதிகளுக்கான ரயில் போக்குவரத்து சுமார் ஒன்றரை மணித்தியாலங்கள் தாமதமடைந்துள்ளதாக ரயில்வே கட்டுப்பாட்டு மத்திய நிலையம் குறிப்பிட்டுள்ளது.

இலங்கை வைத்தியசாலையில் சிறுநீரகத்தை மாற்றிய குற்றச்சாட்டில் ஐவர் கைது

கொழும்பிலுள்ள வைத்தியசாலை ஒன்றில் வைத்து சட்டவிரோதமாக சிறுநீரகங்கள் மாற்றம் செய்யப்பட்டதாக கூறப்படும் சம்பவம் தொடர்பில் பெர்ஹாம்பூர் பகுதியில் வைத்து ஐவரை இந்திய குற்றப் பிரிவினர் கைதுசெய்துள்ளனர்.

இதில் ஒரு பெண்ணும் அடங்குவதாகவும் 20 வயதுடைய கன்ஹு பெஹேரா என்ற இளைஞர் தனது சிறுநீரகத்தை 3.5 இலட்சம் ரூபாய்க்கு விற்பனை செய்துள்ளதாகவும் தெரியவந்துள்ளது என இந்திய ஊடகச் செய்தி ஒன்று குறிப்பிட்டுள்ளது.
இது குறித்து புகுல்பானி பகுதியின் சப் கலக்டர் முன்வைத்த முறைப்பாட்டுக்கு அமைய குற்றத் தடுப்பு பிரிவினர் விசாரணைகளை மேற்கொண்டனர்.
கன்ஹு பெஹேராவின் சிறுநீரகம் மஹேந்திர பட்நாயக் என்பவருக்கு (குற்றம்சாட்டப்பட்டவர்களில் ஒருவர்) மாற்றப்பட்டுள்ளது, என இது தொடர்பில் ஏ.டி.ஜீ.யான (குற்றப் பிரிவு ) பி.கே.சர்மா கூறினார்.
மேலும் இதில் சிறுநீரகத்தைப் பெற்றுக் கொண்டவரின் இரண்டு சகோதரர்கள், மனைவி மற்றும் மனைவியின் சகோதரருக்கும் தொடர்பிருப்பதாக குற்றம்சாட்டப்பட்டுள்ளது.
மேலும் கன்ஹு பெஹேரா என்ற சிறுநீரகம் வழங்கிய இளைஞர், சிறுநீரகத்தைப் பெற்றவரான மஹேந்திர பட்நாயக்கின் தாயாரது வளர்ப்பு மகன் என போலி சான்றிதழ்களும் தயாரிக்கப்பட்டுள்ளதாகவும் தெரியவந்துள்ளது.
அத்துடன் கன்ஹு பாஸ்போட்டை பெற்றுக் கொள்வதற்கும் போலி ஆவணங்களை வழங்கியுள்ளதாக சர்மா குறிப்பிட்டுள்ளார்.
இந்தியாவில் மனித உறுப்புக்களை மாற்றம் செய்வது தொடர்பில் கடுமையான சட்டங்கள் பின்பற்றப்படுகின்ற நிலையில், அந்த நாட்டிலேயே அவர்கள் சிறுநீரகத்தை மாற்ற முயற்சித்த போதும் பல வைத்தியசாலைகளில் அது மறுக்கப்பட்டுள்ளது.
பின்னரே சந்தேகநபர்களால் இலங்கையில் குறித்த நடவடிக்கையை மேற்கொள்ளத் தீர்மானிக்கப்பட்டுள்ளது என, சர்மா சுட்டிக்காட்டியுள்ளார்.

காத்தான்குடியில் கொள்ளையிட்ட இரு மாணவர்கள் கைது!!

கொள்ளைச் சம்பவத்துடன் தொடர்புடைய இரண்டு சந்தேகநபர்களை காத்தான்குடி பொலிசார் இன்று (02) காலை கைதுசெய்துள்ளனர். மேலும் இவர்கள் வசமிருந்து கொள்ளையிடப்பட்ட முப்பதரைப் பவுன் (30 1/2) தங்க நகைகள், ஐந்து இலட்சத்து ஐம்பதாயிரம் ரூபா பணம், என்பன கைப்பற்றப்பட்டுள்ளன.
அத்துடன் இவர்கள் கொள்ளையிட்ட இரண்டு கையடக்கத் தொலைபேசிகளையும் வாவியில் வீசி விட்டதாக விசாரணைகளில் இருந்து தெரியவந்துள்ளதாகவும் காத்தான்குடி பொலிசார் சுட்டிக்காட்டினர்.
கைதுசெய்யப்பட்ட இரு சந்தேகநபர்களும் காத்தான்குடி முதலாம் குறிச்சியைச் சேர்ந்த மாணவர்கள் எனவும் அதில் ஒரு சந்தேகநபர் இவ் வருடம் கல்விப் பொதுத் தராதர உயர்தரப் பரீட்சை எழுதவுள்ள மாணவர் எனவும் காத்தான்குடி பொலிசார் மேலும் குறிப்பிட்டனர்.
இவர்களை மட்டக்களப்பு நீதவான் நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளது. இது தொடர்பான மேலதிக விசாரணைகளை காத்தான்குடி பொலிசார் மேற்கொண்டு வருகின்றனர்.

பொதியிலிருந்து மீட்கப்பட்ட யாழ் பெண் : பொலிஸ் விசாரணையில் அம்பலம்!!

Written By PROUDLY ADMIN on Friday, July 31, 2015 | 7/31/2015


புறக்கோட்டை பஸ்டியன் மாவத்தை தனியார் பஸ் தரிப்பு நிலையத்தில் பிரயாணப் பொதிக்குள் மறைத்து கைவிடப்பட்டிருந்த நிலையில் மீட்கப்பட்ட பெண்ணின் சடலம் யாழ். வட்டுக்கோட்டையைச் சேர்ந்த 34 வயதுடைய ரங்கன் கார்த்திகாவினுடையது என அடையாளம் காணப்பட்டுள்ளது.
ஊடகங்களில் வெளியான புகைப்படங்களைப் பார்த்த குறித்த பெண் தங்கியிருந்ததாக கூறப்படும் செட்டியார் தெருவில் உள்ள தனியார் தங்குமிடமொன்றில் உள்ள நபர் ஒருவர் பொலிஸாருக்கு வழங்கிய தகவல்களின் அடிப்படையிலேயே அவர் இவ்வாறு அடையாளம் காணப்பட்டுள்ளதாக பொலிஸ் ஊடகப் பேச்சாளர் உதவி பொலிஸ் அத்தியட்சர் ருவன் குணசேகர தெரிவித்தார்.
சுமார் ஒன்பது நாட்கள் அவர் பிறிதொரு ஆடவருடன் அந்த தங்கும் விடுதியில் ஒன்றாக இருந்துள்ளதாகவும் விசாரணைகளில் தெரியவந்துள்ளதாக அவர் மேலும் குறிப்பிட்டார்.
சடலமாக மீட்கப்பட்ட பெண் கடந்த 3 வருடங்களாக கொழும்பிலேயே வசித்து வந்துள்ளதாகவும் இறுதியாக அவர் ஒன்பது நாட்களுக்கு முன்னர் கொழும்பு செட்டியார் தெருவில் உள்ள குறித்த தனியார் தங்கும் விடுதிக்கு பிறிதொரு ஆணுடன் வந்து தங்கியிருந்துள்ளதாகவும், குறித்த நபரை தற்போது பொலிஸார் தேடி வருவதாகவும் விசாரணைகளுக்கு பொறுப்பான உயர் பொலிஸ் அதிகாரி ஒருவர் தெரிவித்தார்.
இந்த விடயம் தொடர்பில் விசாரணைகளை முன்னெடுக்கும் பிரதான பொறுப்பு கொழும்பு பிரதிப் பொலிஸ் மா அதிபர் காமினி மத்துரட்டவின் நேரடி கட்டுப்பாட்டின் கீழ் கொழும்பு குற்றத் தடுப்புப் பிரிவிடம் ஒப்படைக்கப்பட்டுள்ளது.
செட்டியார் தெருவில் உள்ள குறித்த தங்குமிடத்தில் வைத்தே கார்த்திகா கொலை செய்யப்பட்டிருக்க வேண்டும் என சந்தேகிக்கும் பொலிஸார், 3 அடி நீளம், 2 அடி அகலம் மற்றும் ஒரு அடி உயரமான கறுப்பு நிற பெட்டியொன்றை சிரமத்துக்கு மத்தியில் சந்தேக நபர் சுமந்துகொன்டு விடுதியில் இருந்து வெளியேறும் சீ.சீ.ரி.வி. காட்சிகளையும் கைப்பற்றியுள்ளனர்.
மேல் மாடியில் இருந்து மிகவும் சிரமத்துக்கு மத்தியில் அந்த பெட்டியைக் குறித்த நபர் சுமந்து வருவதுடன், பதிவுகளை முடித்துக்கொண்டு பெட்டியுடன் வெளியே வந்து அதனை இழுத்துக்கொண்டு செல்லும் காட்சி அதில் பதிவாகியுள்ளது.
இதனைவிட அவர் அப்பெட்டியுடன் பஸ்டியன் மாவத்தை பஸ் நிலையத்துக்கு சென்றமைக்கான ஆதாரங்களாக மேலும் சில சீ.சீ.ரி.வி. காட்சிப் பதிவுகளையும் கொழும்பு குற்றத்தடுப்புப் பிரிவு பொலிஸார் சேகரித்துள்ளதாக விசாரணைகளுக்கு பொறுப்பான உயர் பொலிஸ் அதிகாரி ஒருவர் தெரிவித்தர்.
இது தொடர்பில் மேலும் தெரியவருவதாவது,
சடலமாக மீட்கப்பட்ட கார்த்திகாவின் கணவன் வெளிநாடொன்றில் வேலை செய்து வருகின்றார். கடந்த 2010ம் ஆண்டு வெளிநாட்டுக்கு சென்றுள்ள அவர் இதுவரை நாடு திரும்பவில்லை. கார்த்திகாவுக்கு 7 வயதில் ஒரு மகள் உள்ள நிலையில் அவர் கார்த்திகாவின் தாயாரிடமே வளர்ந்து வருவதாக பொலிஸார் தெரிவிக்கின்றனர்.
சடலத்தை அடையாளம் காட்ட வட்டுக்கோட்டையில் இருந்து கார்த்திகாவின் தாயார் நேற்று இரவு கொழும்பு நோக்கி வந்துள்ள நிலையில் இன்று கார்த்திகாவின் சடலம் மீது பிரேத பரிசோதனைகள் இடம்பெறவுள்ளன.
கார்த்திகா இறுதியாக தங்கியிருந்த செட்டியார் தெரு தங்குமிடத்தில் இருந்த சீ.சீ.டீ.வி. கண்காணிப்பு கமரா பதிவுகளும் விசாரணைக் குழுவினரின் ஆய்வுக்கு உட்படுத்தியுள்ள நிலையில் சந்தேக நபரையும் பொலிஸார் அடையாளம் கண்டுள்ளனர்.
கார்த்திகாவுடன் கொழும்பில் இருந்த குறித்த நபர் தொடர்பில் கார்த்திகாவின் தாயாருக்கு தகவல்கள் தெரிந்திருப்பதாக கூறும் பொலிஸார் முறைதவறிய காதல் விவகாரம் ஒன்றூடாக இந்த கொலை இடம்பெற்றிருக்க வேண்டும் என சந்தேகம் வெளியிடுகின்றனர்.
இதுவரை மேற்கொள்ளப்பட்டுள்ள விசாரணைகளில் ஒரு வாரத்துக்கு முன்பு கார்த்திகாவே குறித்த தங்குமிடத்தில் அறை எடுத்து தங்கியுள்ளதுடன், பின்னரேயே கார்த்திகாவை சந்திக்க வேண்டும் எனக் கூறிக்கொண்டு குறித்த சந்தேக நபர் அங்கு வந்துள்ளதுதும் இதன் போது அவ்விருவரும் ஒரே அரையில் தங்கியுள்ளதும் விசாரணைகளில் தெரியவந்துள்ளது.
இதனை விட கடந்த 29ம் திகதி புதன்கிழமை அதிகாலை 12.15 மணிக்கும் அதிகாலை 12.18 மணிக்கும் இடைப்பட்ட நேரத்தில் குறித்த நபர் குறித்த பெட்டியுடன் தங்குமிடத்திலிருந்து வெளியேறுவது சீ.சீ.ரீ.வி.கண்காணிப்பு கமராவில் பதிவாகியுள்ளது.
இந்நிலையில் குறித்த பெண் கொலை செய்யப்பட்டிருப்பின் அது 28ம் திகதி பின்னிரவில் இடம்பெற்றிருக்க வேண்டும் என சந்தேகிக்கும் பொலிஸார் பயணப் பெட்டியானது ஆள் நடமாட்டம் இல்லாத அதிகாலை வேளையில் பஸ் தரிப்பிடத்தில் கைவிடப்பட்டிருக்க வேண்டும் என சந்தேகிக்கின்றனர்.
சம்பவம் தொடர்பாக விரிவான விசாரணை ஒன்று இடம்பெற்று வரும் நிலையில் சந்தேக நபரைக் கைது செய்ய விசேட பொலிஸ் குழுவொன்று கடமையில் ஈடுபடுத்தப்பட்டுள்ளது.
கார்த்திகாவை கொலை செய்த நபர் அவரை பெட்டியில் இட்டு தூரப் பிரதேச பஸ் வண்டியொன்றில் கைவிட்டுச் செல்லும் நோக்கோடு பஸ்டியன் மாவத்தை தனியார் பஸ் தரிப்பு நிலையத்துக்கு வந்திருக்கலாம் என பொலிஸார் சந்தேகிக்கின்றனர்.
அத்துடன் அதிக நிறை காரணமாக 15ம் இலக்க அனுராதபுரம் – கொழும்பு பஸ் தரிப்பு இடத்துக்கு அருகே அந்த பெட்டியின் சக்கரம் ஒன்று உடைந்துள்ளதால் அதனை தொடர்ந்தும் தூக்கிச் செல்வதில் எற்பட்ட சிரமத்தையடுத்து அந்த பஸ் தரிப்பு நிலையத்திலேயே சந்தேக நபர் பெட்டியை விட்டுச் சென்றிருக்கலாம் என பொலிஸார் சந்தேகிக்கின்றனர்.
பெரும்பாலும் யாழ். நோக்கி பயணிக்கும் பஸ் வண்டியொன்றில் அப்பெட்டியை கைவிட்டு செல்வது சந்தேக நபரின் நோக்கமாக இருக்கலாம் எனவும் பொலிஸார் சந்தேகிக்கின்றனர்.
புறக்கோட்டை, பெ ஸ்டியன் மாவத்தையில் உள்ள தனியார் பஸ் தரிப்பு நிலையத்தில் கைவிடப்பட்டிருந்த தையில் உள்ள தனியார் பஸ் தரிப்பு நிலையத்தில் கைவிடப்பட்டிருந்த பயணிகள் பொதியொன்றுக்குள் இருந்து அரை நிர்வாணமான நிலையில் கார்த்திகாவின் சடலம் நேற்று முன்தினம் பொலிஸாரால் மீட்கப்பட்டிருந்தது.
புறக்கோட்டை பஸ் தரிப்பு நிலையத்தின் நடைபாதை வியாபாரி ஒருவர் பொலிஸாருக்கு வழங்கிய தகவலின் பிரகாரம் கைவிடப்பட்டிருந்த குறித்த கறுப்பு நிறத்தினாலான 3 அடி நீளம் 2 அடி அகலம் மற்றும் ஒரு அடி உயரம் கொண்ட பெரிய பொதியினை திறந்து பார்த்த பொலிஸார் இந்தச் சடலத்தை மீட்டனர்.

காதல் தோல்வியா? அழு...வாய்விட்டு

Written By PROUDLY ADMIN on Tuesday, July 28, 2015 | 7/28/2015


காதல் தோல்வியா? அழு...வாய்விட்டு
அழு...கதறிக்கதறி அழு...உன்கண்ணீரோடு
காதலும்கரைந்து போகும்வரை அழு...பின்பு உலகத்தைப்
பார்...காதலையும்
மீறி எத்தனையோ அழகுகள்...காதல்தோல்வியும்
தாண்டிஎவ்வளவோ பிரச்சனைகள்...
அழகுகளை ரசிக்கக்கற்றுக்கொள்...
பிரச்சனைகளை தீர்க்க பழகிக்கொள்..
வாழ்வதற்கே வாழ்க்கையென்பதை புரிந்துகொள்...!
பெற்றவள் இறந்தாலே கண்ணீர்தான் சிந்துகிறாய்...
காதல் இறந்ததற்கா உயிரைச் சிந்தத்துணிகிறாய்?
காதல் புனிதமானது தான்... புனிதமான தெதுவும்
உயிரை விலையாய் கேட்பதில்லை.
விலங்குகளை பலிகொடுத்து கடவுளின்
புனிதத்தை கெடுக்கிறோம்...
நம்மையே பலிகொடுத்து காதலின்புனிதத்தை
கெடுக்கிறோம்.நண்பா...காதல் தோல்வியா?
காதலியை வெறுத்திருந்தால்தேடிச்சென்ற
காதலை மறந்து தேடிவரும்
காதலை அணைத்துக்கொள்...
காதலையே வெறுத்திருந்தால் களவைப் போல
காதலையும்கற்று மறந்ததாய் நினைத்துக்கொள்.
வாழ்க்கையென்பது வாழ்வதற்கே என்பதைப்
புரிந்துகொள்...

கூகுள் – இலங்கை அரசுடன் அதிரடி ஒப்பந்தம்.


நாடளாவிய ரீதியில் இணையத்தள வசதிகளை ஏற்படுத்தி கொடுக்கும் பொருட்டு, இலங்கை அரசாங்கத்துடன் இணைய ஜாம்பவான கூகுள், ஒப்பந்தமொன்றில் கைச்சாத்திட்டுள்ளது.

எதிர்வரும் 5 மாதங்களுக்குள் இந்த ஒப்பந்தம் செயற்படுத்தப்படும் என்றும் தெரிவிக்கப்பட்டுள்ளதுடன் இந்த ஒப்பந்தத்தின் பிரகாரம், அதி உயரத்தில் அமைக்கக்கூடிய 13 பலூன்களை கூகுள், இலங்கைக்கு வழங்கவுள்ளது.

அதன்பின்னர், உலகிலகளாவிய ரீதியில் wifi இணைப்பைக் கொண்ட முதலாவது நாடாக இலங்கை மாறும் என வெளிவிவகார அமைச்சர் மங்கள சமரவீர, அவரது உத்தியோபூர்வ டுவிட்டர் வலைத்தளத்தில் குறிப்பிட்டிருந்தமை கவனிக்கதக்கது.

சங்கானை லயன்ஸ் கழகத்தால் துவிச்சக்கரவண்டி அன்பளிப்பு!


வறுமைக்கோட்டுக்கு உட்பட்ட கல்வியில் அதிக திறமையை வெளிப்படுத்தும் மாணவிக்கு சங்கானை லயன்ஸ் கழகம் துவிச்சக்கரவண்டி அன்பளிப்பு செய்துள்ளது.

யாவருக்கும் சேவை என்ற நோக்கில் கிளிநொச்சி மாவட்டத்தின் பளைக் கோட்டத்தில் அறத்திநகர் எனும் இடத்தில் இருந்து நீண்ட தூரம் நடந்து வந்து பளை றோ.க.த.க பாடசாலையில் கல்வி பயிலும், கல்வி நடவடிக்கைகளில் ஆர்வத்துடன் ஈடுபடும் மாணவிக்கு சங்கானை லயன்ஸ் கழகத்தின் சார்பில் அதன் தலைவர் லயன்.ஜெயச்சந்திரமூர்த்தி றஜீவன் துவிச்சக்கரவண்டியை வழங்கி வைத்தார்.

இந்த நிகழ்வில் கிளிநொச்சி மாவட்டத்தின் வலயக்கல்விப் பணிப்பாளர் திரு.கந்தசாமி முருகவேள், பளை கோட்டக்கல்வி அதிகாரி திரு.குகானந்தராஜா, கரைச்சி கோட்டக் கல்வி உதவி அதிகாரி திரு.புண்ணியமூர்த்தி பாடசாலை அதிபர் திரு.ஜீவரத்தினம் மற்றும் ஆசிரியர்கள், மாணர்கள் கலந்து கொண்டனர்.

மேலும் இந்த நிகழ்வில் அதே பாடசாலையில் கல்வி கற்று சிறந்த பெறுபேறுகளை வெளிப்படுத்திய மற்றும் மாகாண மட்டத்தில் உயரம் பாய்தலில் தங்கப்பதக்கம் பெற்ற மாணவிக்கு லண்டன் வாழ் தமிழ் மக்கள் சார்பிலும் துவிச்சக்கரவண்டி வழங்கப்பட்டது.




வங்காலை பங்கில் பாரிய குழப்பம்…! பங்குத் தந்தையை மடக்கினாரா றிசாட்..?

Written By PROUDLY ADMIN on Monday, July 27, 2015 | 7/27/2015

மன்னார் மாவட்டத்தில் வங்காலை கிராமத்தில் பாராளுமன்ற தேர்தலுக்கு ஜக்கிய தேசிய கட்சிக்கு ஆதரவாக றிசாட்டுடன் கைகோர்த்து போட்டியிடும் திரு ராஐன்.மார்க்கை ஆதரித்து வங்காலை பங்கு தந்தை வண.பிதா ஜெயபாலன் அடிகளார் மக்களின் எந்த வித ஆலோசனைகளும் இன்றி தன்னிச்சையாக முடிவெடுத்து தேர்தலுக்கு களம் இறக்கியமை வங்காலை கிராம மக்களுக்கு பெரும் ஆச்சரியத்தினையும், வெறுப்பினையும் உண்டு பண்ணியுள்ளது என வங்காலை வாழ் சமூகம் எமது மின் அஞ்சலுக்கு செய்தி ஒன்றினை அனுப்பி வைத்துள்ளது.

இந்த விடயத்தில் வேட்பு மனு தாக்கள் செய்வதற்காக திரு.ராஐன்.மார்க்குடன் வண பிதா ஜெயபாலன் அவர்களும், முன்னைய நாள் நானாட்டான் பிரதேச சபையின் உறுப்பினரும் றிசாட்டின் அருவருடியுமான ஞானராஜ் அவர்களும், ஜெயதரன் (இலங்கை போக்குவரத்து சபை மன்னார், றிசாட்டின் கை பொம்மை) அவர்களும், வங்காலை விளையாட்டு கழக தலைவர் திரு ரஞ்சன் அவர்களும் அத்துடன் வட மாகாண சபை தேர்தலில் போட்டியிட்ட திரு.யூட்.குரூஸ் அவர்களும் வேட்புமனு தாக்கள் செய்வதற்காக சென்று வந்துள்ளனர், இவர்களுடன் மறைமாவட்ட குருமுதல்வர் வண பிதா விக்ரர்.சோசை, முன்னையநாள் கல்விபணிப்பாளர் திரு ஆபேல் றெவல் அவர்களும் உறுதுனையாக இருப்பதுடன் முற்று முழுதாக வங்காலை கிராம மக்களாகிய நாங்கள் இவர்களுக்கு கடும் கண்டனத்தினையும், எதிர்ப்பினையும் தெரிவித்து கொள்ளுவதாக வங்காலை கிராமத்தில் அக்கறை உள்ள இளைஞர்கள், கல்விமான்கள், புத்திஜீவிகள் அடங்களாக மக்கள் சார்பாக எமது மின்அஞ்சலுக்கு கருத்து ஒன்றினை அனுப்பி வைத்துள்ளனர்.

அதனை தொடர்ந்து எமது குழு உண்மை விடயத்தினை அறியும் வண்ணமாக வங்காலை கிராமத்திற்கு சென்று பல நபர்களை சந்தித்து கலந்துரையாடியது

இதில் ஏற்கனவே மின்னஞ்சல் மூலம் அனுப்பப்பட்ட விடயமும் இவர்கள் வாய்மூலமாக சொல்லப்பட்ட விடயங்களும் ஒரே விதத்தில் காணக்கூடியதாக இருந்தது.

இவர்கள் எம்மிடம் தெரிவித்த விடயங்கள்

ஆண்டாண்டு காலமாய் பாதுகாத்து வந்த எம் மண்ணின் புனிதத்தன்மையும், சமுதாய கட்டமைப்பும் இன்று ஒரு சில அற்ப அரசியல் சலுகைகளுக்காக விபச்சாரமாக்கப்பட்டுக்கொண்டிருக்கின்றது.

தொழில்களிலேயே மிகவும் கேவலமானதும், அருவருக்கதக்க தொழில் என்றால் இழிவானது இதைவிட வேறு ஒன்றும் இல்லை.

இதைதான் இன்றைய அரசியல்வாதி றிசாட்டும் அவனுடன் சேர்ந்து வங்காலை கிராமத்தில் காணப்படும் ஞானம், ஜெயதரன், ரஞ்சன், செய்துக்கொண்டிருக்கிறார்கள்.

இலங்கையிலேயே அதிக அளவில் மத குருக்கள், கன்னியர்களை ஈன்றெடுத்த கிராமம், இலங்கையிலேயே அதிக எழுத்தறிவாளர்களையும் அரச உத்தியோகஸ்தர்களையும் கொண்ட கிராமம்,

இந்த வரிசையில் இனியும் வங்காலை சமூகம் பார்த்துகொண்டு இருப்பதென்பது ஒரு முட்டாள் தனமான காரியம் என சுட்டிகாட்டினார்கள்.
அத்துடன் கவலைக்குறிய விடயம் என்னவென்றால் மக்களாகிய நாங்கள்அறிந்த காலம்தொட்டு இற்றைவரையான காலப்பகுதிக்குள் பல குருக்கள் எமது கிராமத்தில் பணி செய்திருக்கின்றார்கள் ஊரில் ஆலய பங்குதந்தை என்ன சொல்கிறாறோ அதைதான் மக்களும் ஏற்று செய்து வருகின்றார்கள்.

ஆனால் தற்போதைய வங்காலை பங்கு தந்தை வண பிதா ஜெயபாலன் அடிகளார் ரிசாட்டுக்கு விலை போய் அவரும் சேர்ந்துக்கொன்டு அரசியல் பிரச்சாரத்தில் ஈடுபடுவதுதான் வேதனையாகஉள்ளது.

அத்துடன் இந்த மத குரு ஏன் றிசாட்டை ஆதரித்து ராஜன் மார்க்கை களமிறக்கியதன் நோக்கம்   தற்போது ஊரில் ஆலய பங்குமனை அமைத்துக்கொண்டிருக்கிறார்கள் அதற்கு நிதி உதவி போதாமல் உள்ளது.

மீதி நிதித்தொகையை தான் தருகின்றேன், எனவும் 100 வீட்டுதிட்டம் ஒன்றும் அமைத்துதருகின்றேன் என்றும் ரிசாட் கூறியுள்ளார் என்று எங்கள் பங்கு சுவாமி மக்களிடம் கூறிக்கொண்டுவருகிறார்.

இதற்கு கருத்து தெரிவித்த இளைஞர்கள், மீனவர்கள் இவ்வளவு காலமும் எமது ஆலயத்திற்கு தேவையான பணங்களை நாங்களே தொழிலுக்குச்சென்று சேமிக்கின்றோம்.

எங்களுக்கு இந்த றிசாட்டோ அல்லது ராஐன்மார்க்கோ அல்லது றிசாட்டின் எடுபிடிகளான ஞானமோ அல்லது ஜெயதரனோ, ரஞ்சனோ செய்து தர வேண்டிய தேவைப்படு ஒன்றுமில்லை எனவும் அவ்வாறு பணம் தேவைப்பட்டால் றிசாட்டை இவர்களின் மனைவிமார்களுக்கும், பிள்ளைகளுக்கும் கொடுக்க சொல்லுங்கள் எனவும் மிகவும் காரசாரமான முறையில் கருத்துகளை எம்மிடம் எடுத்து கூறினார்கள்.

அது மட்டுமல்ல றிசாட் தொலைபேசியுடாக கூறிய விடயங்கள் தங்களுக்கு 10 ஆயிரம் ஒட்டு மட்டும் பெற்றுத்தந்தால் போதும் என்று ரிசாட் கூறியுள்ளார்.

அத்தோடு வங்காலையில் காணப்படும் ஆலய மேய்ப்பு சபை கூட்டத்தில் கூட பல வாக்குவாதங்களும், கைகலப்புகளும் நடைபெற்று உள்ளதுடன் பங்கு தந்தை அவர்களினால் அவர்களுக்கு கூறப்பட்ட விடயம் எத்தனை நாட்களுக்குதான் உரிமை, சர்வதேசம்,ஜக்கியநாடுகள் என போவது அவற்றை எல்லாம் விட்டு விட்டு அபிவிருத்திக்காக இவர்களை ஆதரிப்போம் என வாய்கூசாமல் சொல்லி இருப்பது மிகவும் கேவலமான விடயம் அல்லவா மக்களே!.
இளைஞர்களின் மனதில் இருந்து

அற்ப சொற்ப சாராயத்திற்கும், பணத்திற்கும், பதவிக்கும் விலை போகும் இளைஞர்களே, ஆபேல் றெவலை போல் காணப்படும் கல்விமான்களே! அருட்தந்தையர்களே!

கிராமத்தில் காணப்படும் பல சட்ட திட்டங்களுக்கு அமைவாகதான் மக்களாகிய நாம் செயற்பட்டு வருகின்றோம்.

இவ்வாறு மக்களாகிய நாம் ஒற்றுமையாக இருக்கின்ற போது எமது ஒற்றுமைகளை சீர் குலைக்க நீங்களும் றிசாட்டுடன் சேர்ந்து உழைப்பதன் காரணம் என்ன?

இதே வேளை இன்று ஞாயிற்றுக்கிழமை 19.07.2015. மதியம் 12.45 மணியளவில் வடமாகாண சபை அமைச்சர் டெனிஸ்வரன் அவர்களுக்கும், வங்காலை பங்கு தந்தை வண பிதா ஜெயபாலன் அடிகளாருக்கும் இடையில் கலந்துரையாடல் ஒன்றும் இடம்பெற்றுள்ளது.

பங்கு தந்தை அவர்களின் கவனத்திற்கு

திருவிழா காலம் என்ற படியால் எமது மக்கள் அமைதியாக இருக்கின்றார்கள். ஆனால் மக்களாகிய நாம் ஒரு போதும் இதை தட்டிக்கேட்க மறுக்கமாட்டோம், வெள்ளம் வருமுன் அணைகளை செப்பனிட்டுக்கொள்வது உங்களுக்கும் நல்லது எமது மக்களுக்கும் நல்லது.

எனவே இந்த விடயத்தில் ஆலய திருவிழா முடிந்தவுடன் உடனடியாக. ஊர் மக்களுக்கான கூட்டம் போட்டு சரிதானதொரு முடிவு இதற்கு எடுக்கப்பட வேண்டும்,

இதற்கு அப்பால் எந்தவித காரியங்களும் எமது கிராமத்தில் நடைபெற கூடாது என மிகவும் ஆணிதரமாகவும், உறுதியாகவும், இறுதியாகவும் தெரிவிப்பதோடு இதற்கான கண்டனத்தினை பங்குதந்தை ஜெயபாலன், வண.பிதா.விக்ரர், திரு. ஆபேல் இவர்களுக்கும் றிசாட் போடும் எலும்புகளுக்கு விலை போகும் ஞானம், ஜெயதரன், ரஞ்சன், இவர்களுக்கும் மக்கள் சார்பாக தெரிவிக்கின்றோம் எனவும் இவர்கள் எம்மிடம் தெரிவித்தனர்.

என வங்காலை பங்குச் சமூகம் என பெயர் குறிப்பிட்டு அனுப்பியுள்ள அறிக்கையில் சுட்டிக் காட்டியுள்ளனர்.

உரியவர்களின் மறுப்பும் ஆதாரத்துடன் அனுப்பப் படுமாக இருந்தால் பிரசுரிக்கப் படும்.

சமையல் குறிப்புகள்

மருத்துவக் குறிப்புகள்

 

Copyright © 2015. TAMILSUNITY - All Rights Reserved

PROUDLY EDITED AND DESIGNED BY SITE ADMIN